Food Lovers 老 字 號 明 日 天 涯 劉 成 和 醬 園

在 107 歲 的 劉 成 和 醬 園 ， 有 一 張 放 了 幾 十 年 的 長 凳 。
長 凳 由 一 塊 十 多 呎 長 的 柚 木 木 板 ， 擱 在 八 個 橫 列 的 大 酒 埕 上 組 成 ， 四 平 八 穩 ， 舒 坦 方 便 ， 人 人 都 可 進 來 坐 一 坐 。
於 是 ， 買 麵 豉 的 師 奶 、 收 紙 皮 的 阿 婆 、 退 了 休 的 老 人 、 打 牙 骹 的 街 坊 ， 還 有 醬 園 主 人 與 夥 計 … … 每 天 都 坐 在 這 談 天 說 地 、 閒 話 家 常 ， 私 人 的 店 鋪 ， 成 了 深 水 社 區 一 個 人 情 結 聚 的 公 共 空 間 ， 一 坐 幾 十 年 。
然 而 ， 這 空 間 即 將 會 消 失 ！ 自 從 04 年 政 府 宣 布 要 重 建 深 水 舊 區 ， 這 百 年 老 醬 園 突 然 要 面 臨 清 拆 的 命 運 ， 商 戶 人 家 陸 續 搬 走 ， 空 置 的 店 鋪 貼 上 了 封 條 。 原 本 熱 鬧 的 元 州 街 ， 今 天 只 剩 下 劉 成 和 一 盞 孤 燈 在 照 耀 ， 斯 人 獨 憔 悴 ！
「 而 家 冇 打 算 ！ 出 面 鋪 位 咁 貴 ， 我 賣 一 蚊 幾 毫 麵 豉 ， 點 頂 得 順 ？ 搵 唔 到 ， 咪 索 性 執 佢 唔 做 ！ 」 老 闆 梁 志 傑 說 。
麵 豉 、 仍 舊 天 天 生 產 。 客 人 ， 仍 舊 天 天 來 坐 ， 一 切 彷 如 昔 。 只 是 ， 沒 有 人 知 道 ， 明 天 一 覺 醒 來 ， 深 水 還 有 沒 有 劉 成 和 。

關 於 K20-23

K20-23 。 是 房 協 重 建 檔 案 中 一 項 重 建 項 目 的 代 號 。
這 項 目 於 04 年 提 出 ， 範 圍 包 括 青 山 道 、 元 州 街 、 福 榮 街 、 興 華 街 和 昌 華 街 所 組 成 的 地 段 。 截 至 2007 年 10 月 ， 這 地 段 的 居 民 及 商 戶 已 搬 得 七 七 八 八 ， 只 剩 下 約 五 十 戶 住 戶 和 商 鋪 ， 因 堅 持 要 求 原 區 安 置 ， 以 及 以 「 樓 換 樓 、 鋪 換 鋪 」 方 式 賠 償 而 仍 未 搬 遷 。 部 分 商 戶 住 戶 早 前 已 接 到 法 庭 傳 票 ， 被 控 「 霸 佔 官 地 」 ， 單 位 及 鋪 位 隨 時 會 被 收 回 。

做 得 做 乜 唔 做 ？
有 做 個 人 至 有 用 嘛 ！

劉 成 和 醬 園 ， 就 在 K20-23 這 個 小 小 的 長 方 形 的 中 心 點 。
107 年 的 老 字 號 了 ！ 當 中 國 人 還 拖 辮 子 抵 抗 八 國 聯 軍 時 ， 它 就 在 九 龍 城 開 業 。 後 來 ， 搬 到 青 山 道 ， 有 自 家 的 曬 棚 ， 員 工 十 多 人 ， 出 產 豉 油 麵 豉 醬 料 涼 果 米 酒 … … 供 應 街 坊 一 切 糧 油 雜 貨 所 需 ， 自 此 與 社 區 生 活 連 結 起 來 。 十 七 年 前 ， 再 遷 到 元 州 街 現 址 ， 曬 棚 賣 了 ， 產 量 減 了 ， 員 工 也 逐 漸 淡 出 ， 有 的 轉 行 、 有 的 退 休 ， 第 二 代 主 持 年 前 也 因 身 體 欠 佳 豹 隱 江 湖 ， 只 剩 兒 子 和 兩 個 老 夥 計 仍 然 留 守 店 中 ， 石 發 就 是 其 中 一 位 老 夥 計 。
早 上 來 劉 成 和 ， 你 會 見 到 石 發 。 銀 白 的 頭 髮 、 瘦 黑 的 身 軀 ， 一 張 皺 皺 的 臉 ， 滿 是 風 霜 。 街 外 客 來 ， 以 為 他 是 老 闆 ， 其 實 他 負 責 樓 面 和 買 賣 。 那 天 來 ， 沒 客 ， 他 脫 了 涼 鞋 ， 戙 起 一 條 腿 ， 坐 在 長 板 凳 上 發 呆 。
「 而 家 得 閒 好 多 ！ 元 州 拆 、 蘇 屋 又 話 要 拆 ， 樓 上 又 搬 得 七 七 八 八 。 以 前 ？ 以 前 門 口 排 大 隊 呀 ！ 個 個 個 罐 買 醬 ， 好 似 擠 提 咁 ！ 」 他 有 老 人 家 的 牢 騷 。
七 十 歲 的 石 發 ， 是 東 莞 人 ， 解 放 走 難 來 香 港 搵 食 ， 先 在 大 埔 鴻 珍 醬 園 打 工 ， 後 來 見 劉 成 和 請 人 ， 轉 來 做 ， 前 後 算 起 來 ， 已 有 三 四 十 年 。
「 以 前 搵 食 艱 難 ， 邊 有 成 日 轉 工 ！ 我 後 生 時 由 朝 到 晚 都 鋪 頭 ， 晚 黑 都 鋪 頭 ， 係 結 婚 至 話 有 屋 企 返 。 放 假 ？ 邊 有 放 假 ？ 初 一 咪 有 假 放 ！ 係 正 月 大 年 初 一 呀 ！ 唔 係 個 個 月 呀 ！ 」

店 鋪 很 舊 ， 一 邊 放 滿 了 醬 料 豉 油 ， 另 一 邊 全 是 酒 ， 長 板 凳 就 托 在 八 個 大 酒 埕 上 。

劉 成 和 這 招 牌 ， 由 廣 州 鐵 禪 和 尚 書 寫 ， 銅 製 ， 是 從 老 店 搬 來 的 。

石 叔 年 輕 的 時 候 ， 是 劉 成 和 最 風 光 的 歲 月 ， 那 時 長 沙 灣 荔 枝 角 一 帶 都 是 工 廠 ， 明 愛 醫 院 又 在 附 近 ， 來 買 甜 醋 煲 豬 腳 薑 的 產 婦 、 買 涼 果 口 立 濕 的 工 廠 妹 ， 還 有 買 醬 料 煮 飯 的 主 婦 ， 由 早 至 晚 都 擠 滿 人 ， 生 意 好 到 無 停 手 。
「 陣 晚 晚 做 到 夜 晚 九 點 幾 都 未 收 得 工 ， 而 家 ？ 六 點 就 走 人 。 」
幾 十 年 過 去 ， 他 見 證 了 劉 成 和 的 盛 衰 ， 自 己 也 由 精 壯 變 白 頭 。 他 一 生 的 目 標 ， 就 是 供 書 教 學 捱 大 兩 個 仔 女 ， 如 今 「 個 個 都 係 港 大 畢 業 」 ， 做 老 竇 的 責 任 也 完 成 了 。 問 他 為 可 不 退 休 享 清 福 ， 他 郤 一 臉 不 以 為 然 。
「 唔 做 日 日 去 行 公 園 呀 ？ 做 得 做 乜 唔 做 ！ 有 做 個 人 至 有 用 嘛 ！ 」
他 幾 十 年 都 在 醬 料 鋪 打 工 ， 對 醬 料 有 一 份 莫 名 的 感 情 ， 甚 麼 醬 料 要 怎 麼 煮 怎 麼 吃 ？ 他 全 部 瞭 如 指 掌 。 偶 爾 興 起 ， 又 會 贈 客 人 幾 句 ， 像 那 天 有 個 熟 客 來 買 茶 瓜 ， 他 一 邊 舀 一 邊 噴 口 水 花 ： 「 茶 瓜 最 正 氣 ， 熱 氣 、 風 邪 食 都 ， 以 前 人 冇 錢 睇 醫 生 就 係 食 茶 瓜 ！ 太 子 都 食 唔 壞 ！ 你 煲 芫 荽 水 ， 記 得 落 茶 瓜 ， 再 加 兩 片 薑 呀 ！ 加 兩 片 薑 ， 喉 嚨 痛 都 冇 埋 。 」
他 甚 麼 都 講 一 餐 ， 甚 麼 大 豆 芽 菜 煮 肉 鬆 ， 要 下 一 點 麵 豉 辟 腥 ( 大 豆 芽 帶 腥 ) ， 錦 菜 用 來 撈 鮮 鯇 魚 皮 ， 零 舍 爽 又 零 舍 脆 。 聽 得 客 人 津 津 有 味 。
「 ！ 識 呢 有 乜 用 呀 ？ 正 所 謂 七 老 八 十 老 弱 傷 殘 ， 呢 度 冇 得 撈 ， 出 去 仲 邊 有 人 請 ？ 你 話 ！ 你 做 老 闆 請 唔 請 我 ？ 」 他 說 罷 ， 又 脫 了 鞋 戙 起 腳 ， 坐 在 長 板 凳 上 ， 怔 怔 看 門 外 的 行 人 來 去 匆 匆 。

量 酒 用 的 ， 全 是 銅 做 人 手 打 成 的 ， 早 已 成 為 古 董 。

呢 度 做 ， 最 緊 要 冇 壓 力 ！

門 外 的 行 人 中 ， 有 一 個 矮 小 瘦 削 ， 架 副 粗 黑 框 眼 鏡 、 滿 臉 鬍 子 的 中 年 人 正 閃 進 鋪 來 ， 一 進 來 就 鑽 進 鋪 後 的 工 場 。 他 是 現 任 老 闆 ， 人 稱 太 子 的 梁 志 傑 。
「 太 子 去 銀 行 睇 股 票 嘛 ！ 日 日 食 完 飯 都 去 一 陣 啦 ！ 慣 ！ 」 石 叔 悄 悄 說 。
梁 志 傑 是 順 德 人 ， 五 十 歲 ， 是 劉 成 和 創 辦 人 劉 時 的 外 孫 。 1900 年 ， 劉 時 和 兄 長 劉 成 在 九 龍 城 開 辦 醬 園 ， 寶 號 以 兄 長 劉 成 的 名 字 為 基 礎 ， 尾 加 一 個 「 和 」 字 ， 取 其 「 和 氣 生 財 」 的 意 思 ， 合 為 劉 成 和 。 後 來 遷 來 青 山 道 ， 劉 時 的 女 兒 劉 晾 有 嫁 了 鄰 店 華 園 涼 果 子 鋪 的 夥 計 梁 科 ， 梁 科 不 單 成 了 醬 園 駙 馬 ， 還 學 會 煮 醬 技 巧 ， 接 手 當 了 第 二 代 掌 門 人 。
「 老 竇 今 年 八 十 幾 咯 ！ 一 年 前 先 退 休 冇 落 ， 唉 ！ 老 人 家 身 體 唔 好 嘛 ！ 行 動 又 唔 方 便 ， 鋪 頭 咪 交 俾 我 幫 佢 睇 。 」 太 子 開 了 罐 可 樂 邊 喝 邊 說 。
他 是 葵 涌 工 業 學 院 商 業 系 畢 業 生 ， 畢 業 後 曾 外 出 到 過 電 子 廠 打 工 ， 未 幾 就 被 老 父 召 回 醬 園 幫 手 ， 從 此 一 待 廿 多 年 ， 足 跡 也 走 不 出 深 水 。
「 鍾 唔 鍾 意 ？ 冇 話 鍾 唔 鍾 意 ！ 家 姐 細 佬 又 冇 興 趣 做 ， 咁 我 份 人 又 懶 ， 冇 乜 大 志 ， 返 呢 度 舒 舒 服 服 ， 吹 水 咁 又 一 日 ， 有 乜 唔 好 呀 ？ 」

入 酒 入 豉 油 的 空 樽 都 插 報 紙 條 ， 原 來 是 用 來 吸 走 樽 內 濕 氣 的 ， 效 果 勁 過 吸 濕 大 笨 象 ， 老 人 家 果 然 有 智 慧 。

劉 成 和 曾 經 以 自 釀 酒 聞 名 ， 米 酒 、 糯 米 酒 、 肉 冰 燒 、 南 棗 酒 、 歸 圓 杞 菊 酒 ， 都 是 勞 苦 大 眾 至 愛 ， 可 惜 今 天 都 不 釀 了 ， 只 取 貨 來 賣 。

其 實 他 不 太 擅 長 吹 水 ， 說 話 老 是 一 一 的 ， 聽 得 人 耳 仔 都 側 埋 。 回 到 鋪 頭 ， 他 總 是 躲 在 工 場 後 幽 暗 的 「 寫 字 樓 」 聽 收 音 機 ， 一 天 到 黑 喝 可 樂 ， 喝 到 牙 齒 也 掉 了 一 大 半 。 婚 ， 到 今 天 還 未 結 成 ， 聽 說 連 拖 也 沒 拍 過 幾 次 ， 對 於 生 意 ， 他 從 沒 有 甚 麼 鴻 圖 大 計 ， 一 切 都 交 給 兩 位 老 臣 子 負 責 ， 自 己 逍 逍 遙 遙 的 懶 下 去 。
問 他 有 沒 有 睇 鋪 找 地 方 ， 他 懶 懶 閒 地 說 ： 「 嘩 ！ 鋪 動 不 動 兩 萬 幾 銀 租 ， 點 頂 呀 ？ 況 且 佢 ( 指 石 叔 ) 又 老 咯 ， 我 做 佢 都 唔 做 啦 ！ 」
今 天 的 劉 成 和 ， 有 一 半 貨 品 仍 是 自 家 生 產 或 半 生 產 的 ， 像 麵 豉 、 柱 侯 醬 等 醬 料 ， 全 是 另 一 老 臣 子 周 叔 做 的 ， 醃 漬 類 像 蕎 頭 、 酸 薑 ， 則 是 來 貨 加 工 。
「 以 前 豉 油 同 酒 都 係 自 己 釀 ！ 我 後 面 山 （ 明 愛 醫 院 附 近 ） 有 曬 棚 曬 豉 油 ， 酒 就 同 酒 廠 酒 ， 自 己 肥 豬 肉 入 去 釀 肉 冰 燒 ， 不 知 幾 好 賣 ， 後 尾 曬 棚 賣 至 唔 做 之 嘛 ！ 」 太 子 說 。
自 從 房 協 宣 佈 要 重 建 後 ， 他 索 性 連 批 發 也 停 了 不 做 ， 只 靠 零 售 維 持 ， 儘 管 街 坊 幫 襯 也 多 ， 總 算 應 付 到 營 運 開 支 ， 但 生 意 額 也 一 下 子 跌 了 許 多 。 他 也 不 太 介 意 ， 每 天 六 時 許 就 上 鋪 關 門 、 逢 星 期 日 及 大 時 大 節 例 牌 休 息 。
「 超 ！ 佢 老 竇 大 把 ， 以 前 賣 地 都 賺 唔 少 啦 ！ 所 以 佢 咪 可 以 懶 懶 閒 ！ 你 估 人 人 懶 得 起 呀 ？ 」 另 一 位 老 臣 子 周 叔 說 。
「 搞 咁 多 做 乜 ？ 又 唔 知 幾 時 拆 到 ！ 我 呢 度 做 ， 最 緊 要 冇 壓 力 嘛 ！ 」 語 音 剛 落 ， 又 大 口 大 口 的 把 可 樂 灌 下 去 ， 懶 理 人 間 何 世 。

用 木 製 的 泵 抽 走 麵 豉 內 的 空 氣 ， 原 來 可 以 防 腐 。

周 叔 的 工 會 證 ， 八 十 年 代 換 過 後 至 今 已 沒 再 發 新 的 。

冇 正 式 斟 茶 叩 頭 認 師 傅 ， 不 過 人 人 問 我 我 都 係 咁 認 。

正 午 過 後 ， 冷 清 的 工 場 開 始 熱 鬧 起 來 ， 因 為 周 叔 習 慣 在 這 鐘 數 煮 麵 豉 。 穿 過 店 面 後 面 幽 暗 的 通 道 ， 就 會 見 到 常 穿 白 汗 衣 、 孖 煙 囪 的 周 叔 ， 抿 嘴 ， 掄 起 大 剷 ， 攪 動 大 銅 鑊 的 一 大 鍋 麵 豉 。
「 以 前 做 埋 批 發 ， 一 日 要 煮 過 千 斤 呀 ！ 今 日 煮 一 百 斤 就 夠 賣 ， 仲 要 隔 日 煮 。 」 他 用 剷 一 攪 一 推 ， 一 大 鍋 滿 滿 的 麵 豉 就 在 鍋 內 旋 轉 舞 動 ， 卻 沒 半 點 瀉 出 來 。
「 瀉 出 就 唔 係 師 傅 啦 ！ 我 煮 幾 十 年 ， 瞇 埋 眼 都 唔 會 瀉 ， 邊 度 煮 透 、 邊 度 就 ， 用 個 鼻 一 聞 就 知 道 。 」
周 叔 是 行 內 的 大 師 傅 ， 麵 豉 柱 候 醬 海 鮮 醬 豆 瓣 醬 麻 醬 … … 他 無 不 通 曉 ， 在 行 內 早 負 盛 名 ， 尤 其 麵 豉 ， 更 是 他 的 強 項 ， 曾 經 雄 霸 深 水 ， 不 少 醬 園 其 實 都 是 向 他 取 貨 ， 連 一 向 執 市 場 牛 耳 的 鉅 利 ， 也 無 法 與 他 分 一 杯 羹 。 「 鉅 利 派 過 人 推 銷 ， 我 話 免 ！ 然 後 送 包 麵 豉 過 佢 食 ， 之 後 就 冇 返 過 ！ 」 他 煮 麵 豉 出 名 ， 不 少 行 家 都 秘 密 跟 他 學 藝 ， 他 也 不 拒 ， 一 堂 收 五 百 ， 仍 大 有 市 場 。
「 好 多 人 搵 我 教 ！ 太 子 都 知 ！ 有 人 搵 我 跳 槽 添 ！ 開 埋 車 ， 封 埋 利 是 ， 我 話 教 你 冇 所 謂 ， 過 檔 就 咪 。 」
周 叔 原 名 周 長 ， 今 年 七 十 五 歲 ， 廿 多 歲 來 香 港 就 在 劉 成 和 學 師 ， 一 生 人 只 打 過 一 份 工 ， 最 初 只 負 責 為 員 工 煮 伙 食 ， 後 來 因 為 勤 力 抵 得 諗 ， 得 太 子 的 父 親 梁 科 看 中 ， 傳 授 造 醬 的 方 法 ， 說 起 師 傅 ， 他 至 今 仍 相 當 尊 敬 。

發 酵 黃 豆 要 用 大 石 頭 壓 出 水 分 ， 煮 起 來 才 會 入 味 。

「 冇 正 式 斟 茶 叩 頭 認 師 傅 ， 不 過 人 人 問 我 我 都 係 咁 認 。 唔 係 佢 俾 機 會 我 ， 我 做 到 今 日 都 係 做 煮 飯 咋 ！ 」
他 很 念 舊 ， 廚 房 的 器 具 ， 像 木 桶 、 木 剷 、 銅 鑊 ， 都 是 陳 年 古 董 ， 他 都 不 捨 得 丟 掉 。 一 個 紅 毛 泥 大 灶 ， 更 是 當 年 他 和 師 傅 兩 個 人 夾 手 夾 腳 手 造 出 來 ， 用 到 崩 了 裂 了 仍 在 用 。
「 用 得 做 乜 唔 用 ， 折 墮 呀 ！ 其 實 木 桶 散 熱 最 好 ， 散 熱 好 麵 豉 至 靚 ， 塑 膠 就 最 衰 。 」
周 叔 煮 麵 豉 ， 全 部 人 手 製 作 ， 半 點 機 器 也 沒 有 ， 而 且 由 始 至 終 都 是 依 循 老 方 法 。 曬 場 供 來 的 發 酵 黃 豆 ， 一 定 要 曬 足 三 個 月 才 收 貨 ， 煮 之 前 又 要 用 幾 塊 大 石 頭 壓 足 一 晚 ， 把 水 份 全 壓 清 才 煮 。
「 而 家 人 求 求 其 其 就 煮 ， 水 份 走 唔 清 ， 糖 水 入 唔 到 豆 入 面 ， 仲 愈 煮 愈 出 水 ， 正 式 一 鑊 粥 ！ 」
看 他 煮 麵 豉 ， 直 如 流 水 行 雲 ， 一 剷 糖 、 一 剷 鹽 、 一 水 ， 再 下 半 滿 的 發 酵 黃 豆 ， 火 一 滾 ， 他 就 像 划 船 般 一 下 一 下 棹 起 來 。
「 點 解 唔 落 滿 ？ 」 我 問 。

「 落 一 半 老 豆 ， 之 後 再 落 一 半 嫩 豆 ， 咁 口 感 至 均 勻 ， 顏 色 至 靚 。 煮 完 仲 要 熄 火 由 得 佢 焗 一 陣 ， 唔 係 嫩 豆 熟 唔 透 ， 第 日 就 會 作 反 ！ 」
他 指 的 作 反 ， 是 發 霉 。 因 為 豆 不 熟 透 麵 豉 會 容 易 發 霉 。 另 外 ， 麵 豉 醬 若 藏 有 空 氣 ， 又 會 不 襟 擺 ， 因 此 每 次 煮 完 麵 豉 ， 他 都 會 用 一 個 木 泵 在 麵 豉 中 抽 上 抽 落 ， 目 的 就 是 把 內 的 空 氣 抽 出 來 ， 這 就 是 舊 一 派 人 積 累 下 來 的 智 慧 。
「 呢 舊 家 陣 冇 人 用 ！ 個 個 都 轉 晒 用 機 器 咯 ， 全 自 動 ， 撳 個 掣 搞 掂 ！ 驚 發 霉 就 落 防 腐 劑 ， 使 乜 個 廁 所 泵 抽 抽 去 ？ 」
一 百 斤 麵 豉 ， 轉 眼 煮 好 了 。 周 叔 見 店 鋪 有 客 人 來 幫 襯 ， 就 主 動 走 到 店 前 幫 石 叔 忙 ， 一 會 兒 麵 豉 、 一 會 兒 又 和 熟 客 打 牙 骹 ， 不 亦 樂 乎 。
「 其 實 我 放 得 工 ！ 不 過 得 閒 咪 度 幫 手 打 牙 骹 ， 幾 十 年 都 呢 度 ， 咁 早 返 屋 企 仲 唔 慣 ， 落 街 坐 又 好 似 移 民 咁 ， 個 個 都 唔 識 ， 第 日 呢 度 拆 就 真 係 移 民 咯 ！ 」
客 人 來 了 又 去 、 去 了 又 來 ， 兩 個 老 人 家 ， 忙 忙 碌 碌 的 招 呼 ， 長 板 上 的 屁 股 起 起 落 落 ， 就 這 樣 溜 走 了 一 天 的 光 陰 。
明 日 ， 還 會 像 今 天 一 樣 熱 鬧 嗎 ？ 一 陣 風 在 門 外 吹 過 ， 只 撩 起 麵 豉 的 香 氣 ， 卻 沒 有 留 下 答 案 。

人 情 。 在 這 流 動 。
9am

開 門 不 久 ， 七 十 歲 的 余 伯 （ 左 ） 就 來 ， 他 可 能 是 劉 成 和 最 忠 實 的 擁 躉 ， 59 年 就 開 始 來 打 牙 骹 ， 一 傾 就 是 半 個 世 紀 。 「 朝 朝 都 係 咁 ， 飲 完 茶 對 腳 自 自 然 然 會 行 呢 度 ！ 」 他 以 前 是 個 三 行 工 人 ， 住 在 劉 成 和 附 近 ， 後 來 退 休 搬 到 葵 涌 石 蔭 ， 還 是 每 天 一 早 摸 過 來 。 「 退 休 ， 冇 做 悶 嘛 ！ 傾 偈 有 細 藝 ， 傾 傾 ！ 咁 就 幾 十 年 咯 ！ 時 大 家 都 係 後 生 仔 ， 佢 兩 個 ( 指 周 叔 和 石 叔 ) 都 未 結 婚 ！ 而 家 個 孫 都 廿 幾 歲 咯 ！ 」

12nn

一 個 師 奶 拿 個 空 瓶 來 買 醋 。 「 屋 企 豬 腳 薑 醋 食 晒 ， 落 添 再 食 過 ， 呢 度 醋 好 食 嘛 。 」 石 叔 用 漏 斗 細 心 替 她 添 了 醋 ， 她 喜 孜 孜 的 回 家 去 。

2pm

在 附 近 開 製 衣 廠 的 黃 先 生 ， 來 買 麵 豉 及 海 鮮 醬 。 「 我 睇 SCMP( 南 華 早 報 曾 報 道 ) 至 知 有 呢 間 ！ 佢 麵 豉 好 正 ， 個 仔 鍾 意 食 日 本 鯖 魚 ， 落 麵 豉 蒸 冇 咁 腥 。 海 鮮 醬 用 搽 普 寧 豆 腐 ， 燒 食 好 似 臭 豆 腐 。 」

2:30pm

住 觀 塘 的 周 小 姐 來 買 麵 豉 。 「 我 細 細 個 就 買 ， 搬 走 阿 媽 都 吩 咐 一 定 要 返 ， 我 阿 媽 好 奄 尖 ！ 大 豆 芽 菜 煮 肉 鬆 一 定 要 落 麵 豉 ， 我 試 過 冇 落 ， 俾 佢 鬧 到 飛 起 ！ 」 她 買 了 麵 豉 ， 不 捨 得 走 ， 打 牙 骹 打 了 半 句 鐘 才 離 開 。

3pm

于 老 太 和 兒 子 來 ， 又 是 買 麵 豉 和 麻 油 。 她 以 前 住 附 近 ， 搬 到 港 島 廿 幾 年 ， 還 是 定 時 定 候 回 來 買 ， 每 次 買 一 斤 。 知 道 劉 成 和 快 拆 ， 一 臉 憂 戚 ， 太 子 寫 了 電 話 給 她 ， 她 仍 不 放 心 ， 離 去 時 留 下 一 句 ： 「 搬 去 邊 記 得 話 我 聽 喎 … … 」

3:30pm

在 門 外 執 紙 皮 的 李 姐 ， 進 來 取 了 一 包 菜 離 去 。 石 叔 說 ： 大 家 都 係 東 莞 人 ， 橫 掂 下 晝 飯 預 多 ， 留 俾 佢 咪 慳 番 餐 。

4pm

一 個 太 太 進 來 買 半 斤 麵 豉 ， 問 她 麵 豉 好 吃 嗎 ？ 她 瞄 一 瞄 鏡 頭 ， 轉 臉 沒 說 話 。

4:30pm

坐 輪 椅 的 林 婆 婆 由 菲 傭 推 ， 從 荃 灣 來 買 茶 瓜 和 麵 豉 ， 一 見 石 叔 就 說 ： 「 哎 ！ 好 難 搵 呀 呢 度 ！ 一 陣 都 唔 知 坐 乜 車 返 荃 灣 ！ 」 石 叔 包 好 了 麵 豉 ， 走 到 鋪 外 努 力 指 手 劃 腳 ： 「 ！ 街 口 轉 出 去 坐 40 號 啦 ！ 40 號 去 荃 灣 ！ 」 。

5:15pm

以 前 住 昌 華 街 的 黃 婆 婆 ， 84 歲 了 ， 滿 口 鄉 下 話 ， 一 入 來 便 咇 喱 巴 啦 的 找 周 叔 ， 沒 人 知 她 要 甚 麼 ， 只 有 周 叔 知 道 她 來 買 麵 豉 。

5:30pm

住 荃 灣 的 黎 太 來 買 腐 乳 。 「 我 以 前 住 順 寧 道 嘛 ！ 幾 歲 大 爸 爸 就 叫 我 買 腐 乳 ， 呢 幾 個 阿 叔 睇 住 我 大 ！ 而 家 都 變 師 奶 咯 ！ 哎 ！ 你 唔 影 相 得 唔 得 呀 ？ 」

5:45pm

77 歲 的 敖 伯 撐 枴 杖 拿 一 個 空 樽 來 買 酒 ， 在 長 凳 坐 下 就 自 動 說 起 來 。 「 哈 哈 哈 ！ 我 日 日 都 要 見 州 長 ( 周 叔 的 暱 稱 ) ！ 州 長 喎 ？ 幾 高 級 呀 ！ 佢 酒 好 好 飲 ！ 我 一 飲 就 多 講 ！ 醫 生 叫 我 唔 好 飲 ， 我 話 X ！ 唔 飲 ？ 唔 飲 我 起 唔 到 身 個 … … 哈 哈 哈 ！ （ 下 刪 一 百 字 ） 」 他 一 邊 說 一 邊 賴 不 走 ， 周 叔 替 他 斟 好 酒 ， 坐 下 與 他 閒 聊 ， 兩 個 老 人 家 你 一 言 我 一 語 ， 不 覺 外 頭 的 天 由 光 轉 為 黑 ， 直 至 上 鋪 關 門 他 才 走 。

劉 成 和 醬 料 尋 寶

劉 成 和 是 典 型 上 世 紀 老 醬 園 的 格 局 ， 它 不 是 雜 貨 鋪 ， 沒 有 罐 頭 米 糧 即 食 麵 ， 由 始 至 終 ， 只 一 心 一 意 賣 醬 料 、 漬 物 、 豉 油 、 甜 醋 和 酒 。
最 興 盛 的 時 候 ， 以 上 所 有 產 品 都 是 自 家 製 ， 直 至 近 年 才 放 棄 釀 製 豉 油 和 酒 ， 向 外 取 貨 套 上 自 家 的 招 牌 來 賣 。
也 有 代 售 行 家 如 鉅 利 、 余 均 益 、 左 顯 記 等 的 貨 。 今 天 來 劉 成 和 ， 主 要 當 然 是 買 醬 料 ， 這 的 醬 料 仍 是 周 叔 自 家 製 作 ， 每 次 產 量 不 多 ， 賣 完 便 再 做 ， 不 會 存 得 太 久 ， 因 此 特 別 新 鮮 。
至 於 漬 物 ， 部 分 像 蕎 頭 、 酸 薑 、 紅 薑 等 則 是 半 加 工 ， 向 其 他 製 造 商 取 半 製 成 品 ， 回 來 自 己 再 醃 製 ， 水 準 也 不 俗 。

【 一 】 豆 瓣 醬 $20/ 斤

自 家 製 ， 不 鹹 、 頗 辣 ， 入 口 有 濃 烈 豆 香 。

【 二 】 海 鮮 醬 $10/ 斤

以 發 酵 黃 豆 ， 加 糖 、 酸 梅 、 鹹 檸 、 蕎 頭 等 磨 爛 煮 成 ， 甜 甜 香 香 ， 是 蘿 蔔 糕 、 炒 麵 、 東 風 螺 等 的 好 拍 檔 。

【 三 】 麻 醬 $24/ 斤

用 白 芝 麻 磨 碎 煮 成 ， 質 感 稠 密 、 香 味 很 濃 郁 ， 最 蘸 豬 腸 粉 、 拌 雞 絲 粉 皮 等 。

【 四 】 茶 瓜 $20/ 斤

用 糖 醋 醃 過 的 白 瓜 ， 正 氣 溫 和 ， 切 成 一 隻 小 手 指 般 一 段 段 ， 酸 酸 爽 爽 的 ， 用 來 煲 芫 荽 魚 片 湯 、 蒸 瘦 肉 或 送 粥 送 飯 皆 可 。

【 五 】 紅 薑 $20/ 斤

又 叫 蘇 薑 ， 用 糖 醃 成 ， 入 口 軟 身 味 辣 帶 甜 ， 可 作 零 食 ， 也 是 五 柳 菜 的 一 種 ， 可 用 來 做 五 柳 魚 、 星 州 炒 米 等 。

【 六 】 酸 筍 $16/ 斤

入 口 不 嗆 ， 酸 味 頗 天 然 ， 可 加 麵 醬 來 蒸 魚 雲 ， 蒸 豬 肉 、 排 骨 也 佳 。

【 七 】 蕎 頭 $20/ 斤

湖 南 來 的 蕎 頭 ， 以 醋 醃 過 ， 吃 落 多 汁 、 大 粒 又 爽 。

【 八 】 瓜 英 $20/ 斤

五 柳 菜 的 一 種 ， 以 木 瓜 、 青 瓜 、 紅 蘿 蔔 加 糖 醃 成 ， 酸 酸 甜 甜 的 ， 可 用 來 撈 鯇 魚 皮 吃 。

【 九 】 錦 菜 $20/ 斤

材 料 和 瓜 英 差 不 多 ， 少 了 青 瓜 ， 保 留 了 木 瓜 和 紅 蘿 蔔 ， 色 澤 卻 較 瓜 英 清 淡 。 入 口 也 是 酸 酸 甜 甜 ， 少 了 青 瓜 獨 有 的 爽 。

【 十 】 鹹 檸 $20/ 斤

青 檸 用 鹽 醃 成 ， 鹹 鹹 酸 酸 的 ， 一 般 用 來 蒸 烏 頭 ， 也 可 以 加 七 喜 自 製 鹹 檸 七 。

【 十 一 】 磨 豉 $20/ 斤

把 麵 豉 磨 成 泥 狀 就 是 磨 豉 ， 口 感 更 比 麵 豉 更 滑 ， 適 合 用 來 醃 肉 、 炆 豬 肉 等 。

【 十 二 】 酸 梅 $20/ 斤

周 叔 每 逢 清 明 過 後 ， 就 會 購 入 新 鮮 的 青 梅 ， 大 批 用 鹽 醃 漬 ， 入 口 有 很 香 的 梅 子 酸 香 ， 用 來 蒸 排 骨 、 蒸 鴨 最 好 。

【 十 三 】 酸 薑 $20/ 斤

製 造 商 交 來 的 切 片 子 薑 ， 用 糖 及 醋 醃 一 頭 半 個 月 而 成 ， 吃 一 塊 ， 又 酸 又 辣 又 爽 。

【 十 四 】 【 十 五 】 南 乳 $2/ 件 ( 細 ) 、 南 乳 $4.5/ 件 ( 大 )

是 交 來 貨 ， 但 很 實 淨 ， 聞 一 下 ， 有 濃 濃 發 酵 的 米 香 ， 用 來 炆 豬 肉 、 煮 羅 漢 齋 最 。

【 十 六 】 桂 林 辣 椒 醬 $18/ 斤

用 天 津 鹹 辣 椒 醬 ， 加 豆 豉 、 蒜 頭 、 頭 、 麻 油 煮 成 。 辣 得 來 帶 濃 濃 香 氣 ， 用 來 吃 粉 麵 、 蘸 牛 腩 、 牛 雜 等 最 佳 。

【 十 七 】 豆 豉 $18/ 斤

大 粒 烏 亮 ， 豆 身 很 飽 滿 ， 豉 味 頗 濃 ， 曬 得 很 乾 身 。 炒 菜 、 爆 雞 、 蒸 排 骨 都 好 。

【 十 八 】 柱 侯 醬 $26/ 斤

以 磨 豉 、 南 乳 、 麻 醬 、 麻 油 、 生 抽 、 五 香 粉 及 肉 桂 粉 煮 成 ， 香 濃 惹 味 ， 是 羊 腩 煲 的 最 佳 拍 檔 。

【 十 九 】 麵 豉 $26/ 斤

鎮 店 之 寶 ， 以 發 酵 黃 豆 加 糖 及 鹽 煮 成 ， 色 澤 金 黃 中 帶 褐 ， 入 口 濃 杰 又 有 豉 香 ， 很 新 鮮 。 用 來 蒸 魚 、 炒 豆 角 、 炆 排 骨 等 都 適 合 。

劉 成 和 醬 園

地 址 ： 長 沙 灣 元 州 街 430A
電 話 ： 2741 9502
營 業 時 間 ： 8:30am-6:30pm( 星 期 日 休 息 )

撰 文 ： 譚 偉 健
攝 影 ： 馮 里 安