老 字 號 中 秋 憶 老 餅 卓 越 餅 家

年 近 七 十 的 岑 兆 卓 ， 三 十 年 來 堅 持 手 製 月 餅 ， 從 未 間 斷 。

曾 經 ， 月 餅 有 所 謂 四 大 天 王 。 蓮 蓉 、 五 仁 、 金 腿 、 豆 蓉 ， 就 像 是 粵 劇 界 的 任 、 白 、 波 、 靚 ， 風 行 省 港 澳 ， 叱 一 時 。
今 天 ， 月 餅 早 已 改 頭 換 面 ， 皮 ， 是 冰 皮 酥 皮 雪 糕 皮 ； 餡 ， 是 奶 黃 榴 槤 士 多 啤 梨 。
傳 統 月 餅 的 四 大 天 王 中 ， 就 只 有 蛋 黃 蓮 蓉 撐 住 半 邊 天 ， 其 餘 三 種 ， 都 成 了 老 餅 的 代 名 詞 了 。
但 這 世 上 ， 還 是 有 人 對 老 餅 不 離 不 棄 。 就 像 西 環 卓 越 餅 家 的 岑 兆 卓 ， 雖 已 年 近 七 旬 ， 但 三 十 年 來 ， 還 是 每 年 一 度 ， 堅 持 親 手 製 造 。
其 中 一 道 金 華 火 腿 月 ， 果 子 金 腿 餡 中 ， 還 裹 藏 一 塊 冰 白 剔 透 的 肥 豬 肉 ， 一 啖 下 去 ， 幽 香 深 遠 ， 從 前 的 記 憶 ， 又 一 下 子 全 回 來 了 。
這 老 餅 ， 沒 賣 廣 告 ， 不 作 宣 傳 ， 卻 吸 引 了 不 少 街 坊 長 年 幫 襯 ， 就 連 半 山 豪 客 都 駕 平 治 、 勞 斯 萊 斯 來 買 ， 一 個 中 秋 就 賣 去 四 千 幾 個 ， 是 卓 越 餅 家 的 正 印 月 餅 王 。
誰 說 老 餅 已 Out ？ 這 個 中 秋 ， 呷 一 口 濃 茶 ， 吃 一 啖 金 華 火 腿 月 ， 再 望 望 頭 上 皎 潔 的 明 月 ， 一 同 追 憶 那 個 儉 樸 淳 厚 年 代 的 滋 味 。

切 開 了 的 金 華 火 腿 月 ， 可 見 五 仁 分 佈 平 均 ， 中 間 還 有 一 塊 冰 肉 ， 相 當 傳 統 。

卓 越 門 外 常 泊 上 名 車 ， 車 主 甘 冒 抄 牌 之 險 也 要 來 買 餅 。

一 年 一 度 做 餅 時

踏 入 農 曆 七 月 下 旬 ， 西 環 皇 后 大 道 西 一 帶 就 熱 鬧 起 來 ， 沿 道 路 往 西 走 ， 拐 過 了 國 家 醫 院 彎 位 ， 兩 旁 一 列 文 具 紙 紮 鋪 ， 早 已 掛 上 各 式 各 樣 的 燈 籠 ， 旁 邊 的 香 燭 鋪 ， 散 發 幽 幽 的 香 氣 ， 有 一 種 很 濃 厚 的 中 秋 氣 氛 。
就 在 紙 紮 鋪 對 面 不 遠 ， 有 一 間 中 式 老 餅 鋪 ， 名 叫 卓 越 ， 每 年 此 刻 ， 都 在 忙 個 不 停 做 月 餅 ， 門 前 的 玻 璃 餅 櫃 ， 換 上 了 一 批 又 一 批 傳 統 月 餅 應 市 。 月 餅 的 款 式 不 多 ， 但 四 大 天 王 都 歸 位 了 ， 金 華 火 腿 、 五 仁 、 蛋 黃 蓮 蓉 和 豆 蓉 ， 還 有 一 些 小 朋 友 最 喜 愛 的 佛 公 餅 和 豬 仔 餅 ， 樸 拙 可 愛 。 這 些 餅 ， 都 是 出 自 年 近 七 十 的 岑 兆 卓 的 手 。
岑 兆 卓 ， 廣 東 恩 平 人 ， 個 子 瘦 小 ， 一 頭 短 髮 七 三 分 界 ， 滲 了 點 點 銀 白 ， 常 穿 著 汗 衣 背 心 ， 腰 間 圍 一 條 用 麵 粉 袋 改 成 的 圍 裙 ， 有 一 派 老 式 嶺 南 餅 師 味 道 。 卓 越 這 小 店 ， 是 傳 統 前 鋪 後 工 場 的 格 局 ， 岑 太 和 一 個 女 工 主 力 打 理 鋪 面 ， 製 餅 的 事 ， 就 由 岑 兆 卓 兩 叔 侄 包 辦 。 光 酥 餅 、 芝 麻 餅 、 核 桃 酥 、 雞 蛋 糕 … … 還 有 豆 沙 燒 餅 、 缽 仔 糕 等 ， 都 是 現 做 現 賣 ， 充 滿 了 家 庭 小 餅 鋪 的 況 味 。 來 餅 家 找 他 做 訪 問 ， 他 躲 在 鋪 後 的 餅 場 內 ， 正 在 全 神 貫 注 的 在 預 備 做 月 餅 ， 身 旁 站 一 年 輕 人 ， 是 他 的 徒 弟 ， 也 是 他 的 侄 兒 岑 俊 傑 。
「 往 年 舊 曆 八 月 初 一 至 開 始 做 ， 一 直 做 到 八 月 十 四 ， 今 年 早 ， 七 月 尾 就 做 ！ 冇 計 啦 ， 好 多 客 問 呀 ！ 做 唔 切 呀 ！ 」 岑 兆 卓 一 邊 忙 做 餅 一 邊 說 。
他 的 月 餅 極 受 坊 眾 歡 迎 ， 過 了 端 午 ， 就 已 經 有 人 來 預 訂 ， 一 年 的 銷 量 可 以 達 萬 個 之 多 ， 以 一 間 家 庭 小 鋪 來 說 ， 已 是 相 當 不 俗 了 。 四 種 味 道 的 月 餅 中 ， 又 以 金 華 火 腿 月 人 氣 最 盛 ， 像 去 年 就 賣 了 約 四 千 個 ， 佔 了 總 銷 量 四 成 。

1 餅 皮 分 成 小 塊 搓 好 。

2 撈 好 的 餡 料 細 心 用 餅 皮 包 裹 。

3 壓 進 餅 印 內 。

4 用 力 把 餅 敲 出 。

5 髹 蛋 漿 後 放 進 焗 爐 內 。

6 半 小 時 左 右 可 出 爐 。

金 華 火 腿 月 餅 的 誕 生

欖 仁 、 杏 仁 、 瓜 子 、 核 桃 、 芝 麻 ， 再 加 上 金 華 火 腿 絲 ， 就 是 金 腿 月 的 基 本 材 料 。

冰 肉 用 砂 糖 醃 過 夜 ， 入 口 不 肥 不 膩 ， 甘 香 脆 口 。

核 桃 要 用 竹 掃 逐 粒 去 衣 ， 免 除 苦 澀 味 ， 相 當 花 心 機 。

做 餅 的 藝 術

說 實 的 ， 在 這 年 頭 要 人 提 起 興 趣 去 買 一 盒 金 華 火 腿 月 ， 實 在 不 是 一 件 容 易 的 事 ， 只 因 坊 間 的 金 華 火 腿 月 ， 不 是 肥 肉 太 多 ， 就 是 果 仁 太 少 ， 口 感 也 多 是 死 死 實 實 。 但 切 開 卓 越 的 金 華 火 腿 月 ， 發 覺 質 感 結 實 而 有 彈 性 ， 餡 料 分 佈 平 均 。 咬 一 口 ， 五 仁 的 味 道 層 次 分 明 ， 細 心 咀 嚼 ， 還 可 嘗 到 淡 淡 玫 瑰 露 的 酒 香 。 偶 爾 吃 到 一 點 韌 韌 的 ， 甘 香 可 口 ， 就 知 是 鹹 香 的 腿 絲 。 最 精 彩 的 ， 還 是 那 粒 冰 肉 ， 甜 甜 香 香 的 ， 入 口 即 化 ， 一 點 也 不 油 膩 。
作 家 陶 傑 說 ： 每 一 家 餅 家 背 後 都 有 一 個 作 者 ， 一 個 巧 運 匠 心 的 設 計 師 。 岑 兆 卓 就 是 卓 越 金 華 火 腿 月 的 作 者 兼 設 計 師 。 這 金 腿 月 ， 他 做 了 三 十 年 了 ， 功 夫 巧 而 手 藝 精 ， 圓 圓 的 一 個 餅 ， 都 灌 注 了 心 血 在 內 ， 爐 火 一 烤 ， 像 封 了 印 ， 卓 越 金 腿 四 個 焦 黃 大 字 赫 然 入 眼 ， 彷 彿 語 帶 雙 關 地 告 訴 買 者 ， 這 金 腿 月 是 何 等 卓 越 。 也 許 你 會 問 ， 這 餅 卓 越 在 何 處 ？ 卓 越 之 處 ， 從 材 料 就 可 見 一 斑 。 像 金 腿 ， 要 先 切 走 肥 肉 再 烚 熟 ， 然 後 用 人 手 逐 片 逐 片 拆 絲 ， 確 保 入 口 不 會 韌 作 一 團 。 而 五 仁 ， 取 的 是 上 海 來 的 芝 麻 、 西 山 來 的 欖 仁 、 廣 西 的 瓜 子 、 天 津 的 杏 仁 、 杭 州 的 核 桃 ， 都 是 最 靚 最 佳 的 產 地 。 芝 麻 ， 要 事 先 炒 香 來 用 ， 還 有 核 桃 ， 他 嫌 核 桃 衣 苦 澀 ， 竟 不 厭 其 煩 花 一 晚 時 間 ， 用 水 泡 浸 ， 然 後 烘 乾 ， 再 逐 粒 逐 粒 用 竹 掃 子 將 核 桃 衣 盡 量 清 除 ， 才 滿 意 地 使 用 ， 害 得 幫 忙 剝 衣 的 岑 太 呱 呱 叫 。
「 佢 傻 ！ 話 核 桃 要 剝 衣 ， 就 算 係 剝 都 用 機 剝 啦 ， 邊 有 人 用 手 ！ 好 似 愚 公 移 山 咁 ， 你 估 人 會 讚 你 呀 ？ 笑 你 戇 居 咋 ！ 」 岑 太 嘲 諷 中 又 帶 幾 分 憐 惜 。
對 太 太 的 嘲 弄 ， 站 在 一 旁 的 岑 兆 卓 並 未 有 回 應 ， 只 是 自 顧 自 的 在 搓 餅 ， 神 情 中 ， 似 有 幾 分 孤 高 、 幾 分 驕 傲 。 彷 彿 在 他 眼 ， 一 個 餅 ， 早 已 不 只 是 食 品 ， 而 是 一 件 作 品 。 內 包 裹 的 ， 其 實 是 老 師 傅 的 手 藝 和 誠 意 。
「 我 做 餅 ， 唔 似 人 亂 咁 ， 我 做 得 出 就 對 得 住 所 有 人 ， 對 得 住 所 有 人 ， 我 個 心 就 涼 浸 浸 ， 就 開 心 。 使 乜 理 人 點 睇 呀 ！ 」 岑 兆 卓 輕 聲 地 對 我 說 。
說 做 月 餅 ， 四 大 天 王 中 ， 他 是 輕 蓮 蓉 而 重 果 子 （ 即 五 仁 月 、 金 華 火 腿 月 等 ） ， 只 因 果 子 月 餅 ， 製 作 難 度 高 ， 能 做 得 好 ， 就 是 自 我 手 藝 的 一 份 考 驗 。
「 做 果 子 月 餅 ， 難 過 做 蓉 口 （ 蓮 蓉 月 餅 ） 多 多 聲 ， 想 知 一 間 餅 鋪 師 傅 掂 唔 掂 ？ 睇 佢 果 子 就 知 ！ 」 岑 兆 卓 說 。

餅 印 都 是 已 停 產 的 余 晃 記 和 梁 五 記 出 品 ， 用 了 超 過 二 十 年 ， 都 是 歲 月 的 見 證 。

搓 好 的 餡 ， 要 逐 個 過 磅 ， 每 個 約 四 ， 口 感 最 佳 。

岑 兆 卓 的 侄 兒 岑 俊 傑 正 全 神 貫 注 為 月 餅 髹 蛋 漿 。

果 子 月 餅 見 功 夫

岑 兆 卓 口 中 所 說 的 難 ， 並 非 信 口 雌 黃 。 製 做 一 個 果 子 月 餅 ， 從 撈 餡 、 搓 皮 、 打 印 、 烘 焗 ， 段 段 都 是 學 問 。 先 說 撈 餡 ， 五 種 果 仁 ， 巖 巖 巉 巉 散 修 修 ， 不 像 蓮 蓉 柔 順 軟 糯 ， 隨 意 搓 圓 撳 扁 ， 要 成 餡 ， 真 是 談 何 容 易 。 果 子 餡 ， 傳 統 的 技 法 ， 一 定 要 靠 用 糯 米 磨 成 的 糕 粉 來 黏 合 ， 而 開 糕 粉 的 水 分 ， 就 是 功 夫 所 在 。
「 糕 粉 要 用 水 開 ， 唔 可 以 少 ， 亦 唔 可 以 多 。 水 少 硬 掘 掘 ， 咬 落 去 成 塊 石 頭 咁 。 水 多 挺 唔 起 ， 個 餅 焗 出 會 ， 根 本 成 唔 到 形 。 」 岑 兆 卓 說 。 看 岑 兆 卓 撈 餡 ， 彷 彿 就 像 看 老 人 耍 太 極 一 樣 ， 核 桃 、 欖 仁 、 杏 仁 、 瓜 子 、 芝 麻 ， 還 有 一 點 點 的 火 腿 絲 和 冰 肉 ， 一 大 堆 散 落 在 不 鋼 製 的 上 ， 撒 上 糖 和 糕 粉 ， 注 水 ， 再 加 麻 油 ， 還 灑 上 一 點 玫 瑰 露 酒 ， 他 起 勁 的 用 手 搓 呀 搓 ， 純 熟 柔 韌 ， 不 一 會 ， 原 來 散 修 修 的 餡 料 ， 就 像 魔 法 般 神 奇 地 黏 在 一 起 。 別 看 他 搓 得 一 派 悠 然 ， 其 實 一 收 一 放 都 在 他 估 算 之 中 。
「 糕 粉 好 麻 煩 ， 搓 得 唔 夠 就 唔 軟 熟 ， 搓 得 太 耐 ， 又 會 冇 晒 力 ， 挺 唔 起 個 形 。 點 樣 謂 之 得 ？ 就 要 靠 對 手 感 應 ， 一 見 夠 身 （ 即 挺 而 有 力 ） 就 要 收 手 。 」
混 好 了 餡 料 ， 就 輪 到 搓 皮 。 卓 越 的 月 餅 皮 ， 是 用 糖 漿 加 麵 粉 搓 成 ， 而 糖 漿 ， 也 是 自 家 將 砂 糖 煮 溶 來 做 的 。 煮 的 時 候 ， 還 要 拿 火 候 ， 把 糖 漿 煮 成 欲 滴 未 滴 的 狀 態 ， 方 能 收 貨 。 過 程 中 ， 岑 兆 卓 還 會 加 一 點 汕 頭 米 醋 ， 以 防 糖 漿 返 砂 （ 即 凝 結 回 砂 粒 狀 ） 。
「 糖 煮 好 後 會 返 砂 ， 返 砂 糖 一 粒 粒 咁 ， 搓 唔 到 皮 ！ 一 般 鋪 頭 貪 快 貪 方 便 ， 會 加 檸 檬 酸 脂 呢 化 學 劑 ， 我 唔 用 呢 ， 我 用 米 醋 ， 天 然 嘛 ！ 不 過 醋 唔 可 以 多 ， 唔 係 焗 時 候 會 搶 火 ， 皮 晒 餡 又 未 熟 ， 咁 就 失 敗 ！ 」 岑 兆 卓 說 。

搓 好 的 皮 ， 分 成 小 小 的 一 團 ， 包 裹 網 球 般 大 小 的 餡 料 ， 就 可 以 入 餅 印 。 看 岑 兆 卓 把 那 月 餅 糰 壓 壓 撳 撳 ， 整 個 月 餅 就 陷 進 餅 印 ， 然 後 用 勁 往 邊 一 敲 ， 倒 了 模 的 月 餅 就 完 整 地 敲 了 出 來 。
別 看 他 敲 得 如 此 輕 鬆 ， 其 實 果 子 餡 會 塞 實 餅 印 ， 一 定 要 大 力 敲 打 才 能 將 月 餅 完 整 脫 出 ， 但 太 用 力 ， 月 餅 又 會 散 ， 太 細 力 又 敲 不 出 來 ， 真 是 相 當 麻 煩 。
「 以 前 一 聽 見 做 果 子 ， 師 傅 就 媽 媽 聲 ， 梗 係 啦 ！ 由 朝 敲 到 晚 ， 真 係 手 都 軟 埋 ， 返 屋 企 對 手 仲 震 ， 飯 碗 都 唔 實 。 」 岑 兆 卓 說 。
倒 了 模 的 月 餅 ， 髹 點 蛋 漿 就 可 入 爐 烘 焗 ， 四 千 度 的 爐 火 烤 半 個 鐘 ， 就 成 了 新 鮮 出 爐 的 月 餅 。 這 月 餅 ， 熱 辣 辣 香 噴 噴 ， 餡 料 和 餅 皮 的 香 氣 還 在 蒸 發 ， 彷 彿 有 生 命 一 樣 。

三 十 年 來 的 功 力

敲 餅 印 ， 岑 兆 卓 不 經 不 覺 已 敲 了 超 過 三 十 年 ， 如 今 敲 來 ， 啪 啪 啪 啪 的 ， 仍 舊 鏗 鏘 有 力 ， 過 去 的 一 切 ， 彷 彿 又 在 敲 餅 印 聲 中 喚 回 來 … … 時 間 是 1972 年 ， 那 時 的 岑 兆 卓 ， 還 是 個 精 壯 青 年 ， 從 大 陸 來 港 後 ， 靠 做 小 販 賣 鹹 味 雜 貨 賺 了 個 錢 ， 見 那 時 興 唐 餅 ， 便 和 兄 長 岑 兆 祥 一 起 合 資 ， 在 灣 仔 經 營 唐 餅 鋪 。
「 陣 我 間 鋪 叫 祥 興 ， 軒 尼 詩 道 大 三 元 酒 家 對 面 ， 我 請 過 幾 個 做 餅 大 師 傅 ， 陳 炎 、 廖 明 ， 仲 有 石 岐 仔 阮 二 ， 都 係 行 內 有 名 師 傅 ， 陣 我 生 意 好 好 ， 人 手 唔 夠 ， 師 傅 行 開 行 埋 ， 我 就 坐 落 去 頂 ， 頂 頂 ， 就 自 然 學 識 好 多 做 餅 竅 門 。 」 岑 兆 卓 回 憶 說 。
那 年 頭 ， 唐 餅 很 流 行 ， 祥 興 的 生 意 不 俗 ， 最 高 峰 期 共 有 二 十 一 個 員 工 ， 每 日 生 意 額 過 萬 元 ， 前 景 一 片 光 明 。 然 而 ， 風 光 的 背 後 ， 卻 隱 藏 了 危 機 ， 人 多 管 理 難 ， 大 師 傅 又 耍 脾 氣 ， 糕 餅 的 水 準 漸 漸 參 差 不 定 ， 客 人 吃 過 不 對 勁 ， 慢 慢 不 再 回 頭 ， 生 意 就 像 大 江 東 去 一 樣 ， 一 落 千 丈 。 岑 兆 卓 個 性 耿 直 ， 因 師 傅 工 作 態 度 散 漫 ， 與 兄 長 生 了 點 齟 齬 ， 就 憤 而 離 去 自 立 門 戶 。
七 十 年 代 中 ， 他 離 開 了 祥 興 ， 找 了 個 同 鄉 合 資 ， 靠 在 祥 興 偷 來 的 師 ， 就 膽 粗 粗 的 自 己 做 餅 師 ， 在 土 瓜 灣 鷹 揚 街 開 了 間 小 餅 家 ， 取 名 卓 越 ， 除 了 是 自 己 名 字 外 ， 也 一 心 希 望 能 靠 自 己 一 雙 手 ， 做 出 品 質 卓 越 的 唐 餅 來 。
初 擔 大 旗 ， 岑 兆 卓 主 要 做 點 光 酥 餅 、 芝 麻 餅 、 雞 仔 餅 等 簡 單 家 常 餅 食 ， 但 論 到 做 月 餅 ， 他 還 是 個 初 哥 ， 技 術 談 不 上 精 巧 。 為 了 學 藝 ， 他 一 有 空 便 搓 ， 差 不 多 十 隻 指 頭 都 磨 鈍 。 後 來 他 想 出 了 一 條 妙 計 ， 就 是 每 逢 中 秋 前 約 一 個 月 ， 各 大 餅 家 都 會 請 臨 時 工 人 做 餅 ， 岑 兆 卓 就 聯 同 幾 個 同 鄉 兄 弟 應 徵 ， 於 是 奇 華 、 榮 華 、 香 等 大 餅 家 都 給 他 們 摸 了 底 ， 回 來 之 後 兄 弟 們 再 交 換 情 報 ， 集 了 各 家 之 大 成 ， 勤 加 苦 練 ， 慢 慢 便 自 成 一 派 。
八 十 年 代 初 ， 岑 太 從 內 地 來 港 ， 同 鄉 拍 檔 亦 成 了 家 ， 岑 兆 卓 於 是 帶 卓 越 的 招 牌 ， 離 開 土 瓜 灣 遷 到 西 環 。 未 幾 ， 還 添 了 兩 個 女 兒 ， 一 家 四 口 ， 窩 在 小 小 的 店 鋪 ， 倒 也 樂 融 融 。 岑 兆 卓 憑 一 雙 巧 手 靈 巧 的 轉 ， 很 快 就 在 西 環 闖 出 了 名 堂 ， 無 風 無 浪 ， 不 覺 又 快 三 十 年 了 。 每 到 中 秋 ， 他 的 月 餅 就 成 了 坊 眾 的 寵 兒 ， 不 少 老 顧 客 就 是 由 那 時 開 始 ， 一 直 光 顧 至 現 在 。 輾 轉 間 ， 卓 越 因 租 約 問 題 和 舊 樓 清 拆 ， 在 西 環 轉 了 幾 個 鋪 位 ， 最 後 落 葉 歸 根 在 皇 后 大 道 西 現 址 ， 都 已 是 十 五 年 前 的 事 了 。

年 近 中 秋 ， 門 外 的 餅 櫃 都 騰 出 空 間 放 月 餅 。

老 街 坊 力 撐
林 老 太 及 林 小 姐
「 幫 襯 卓 越 已 經 二 十 幾 年 ， 每 年 中 秋 都 會 來 買 月 餅 ， 最 愛 金 華 火 腿 月 ， 材 料 靚 夠 新 鮮 ， 香 口 不 油 膩 ， 外 面 做 不 到 這 種 口 味 。 」

接 班 慶 有 人

餅 房 的 打 餅 印 聲 ， 今 天 仍 舊 響 亮 ， 岑 兆 卓 的 做 餅 技 術 ， 經 過 幾 十 年 的 洗 練 ， 已 變 得 爐 火 純 青 ， 除 了 深 得 普 羅 坊 眾 稱 道 外 ， 更 不 時 有 半 山 貴 客 駕 名 車 到 來 幫 襯 ， 每 逢 過 時 過 節 就 更 是 墟 ， 一 輛 輛 的 勞 斯 萊 斯 、 平 治 排 在 門 口 ， 為 的 就 是 那 些 新 鮮 出 爐 的 唐 餅 。 然 而 ， 貴 客 光 臨 未 必 吸 引 到 岑 兆 卓 的 注 意 ， 反 而 鄰 近 的 幾 間 國 際 學 校 ， 每 年 中 秋 都 有 幾 位 老 師 帶 來 一 大 批 金 髮 碧 眼 的 小 娃 兒 來 參 觀 ， 團 團 轉 轉 的 ， 又 拍 照 又 做 記 錄 ， 逗 得 岑 兆 卓 笑 逐 顏 開 。
「 做 幾 十 年 ！ 最 開 心 就 係 有 人 識 欣 賞 。 不 過 想 人 欣 賞 你 ， 就 一 定 要 做 工 夫 ， 唔 可 以 偷 懶 。 」 岑 兆 卓 笑 說 。
長 江 後 浪 推 前 浪 ， 做 餅 這 行 業 ， 講 心 神 ， 更 講 體 力 ， 年 近 七 旬 的 他 ， 亦 已 開 始 部 署 接 班 的 問 題 ， 可 惜 兩 名 女 兒 大 學 畢 業 後 均 無 意 沾 手 ， 恰 巧 侄 兒 對 這 門 傳 統 的 手 藝 有 興 趣 ， 岑 兆 卓 就 二 話 不 說 拉 他 來 幫 忙 ， 也 將 技 術 傾 囊 相 授 ， 好 讓 卓 越 這 寶 號 得 以 流 傳 。
剛 三 十 出 頭 的 岑 俊 傑 ， 個 性 沉 靜 ， 中 學 畢 業 後 便 來 學 師 ， 對 亦 叔 亦 師 的 岑 兆 卓 ， 有 種 師 徒 般 的 尊 敬 。 像 訪 問 期 間 ， 他 總 是 不 發 一 言 的 埋 首 工 作 ， 對 岑 兆 卓 的 吩 咐 ， 都 是 默 默 地 遵 從 ， 從 不 抱 怨 。
「 我 老 公 好 惡 ！ 侄 仔 做 錯 一 定 會 鬧 ， 佢 以 前 比 較 懶 散 ， 不 過 近 幾 年 結 婚 有 個 女 ， 個 人 定 性 ， 進 步 得 好 快 ， 一 般 唐 餅 都 可 以 放 心 交 俾 佢 做 ， 我 兩 老 得 閒 可 以 去 銀 行 睇 『 金 魚 缸 』 添 。 」 岑 太 說 。
「 我 做 唐 餅 呢 行 係 夕 陽 行 業 ， 不 過 我 呢 塊 招 牌 已 經 有 一 定 捧 場 客 ， 生 意 係 飽 你 唔 死 又 餓 你 唔 親 ， 勤 勤 力 力 ， 俾 心 機 做 ， 總 好 過 你 出 面 打 工 。 」 岑 兆 卓 的 說 話 ， 在 空 氣 中 迴 盪 ， 當 中 似 有 一 番 深 意 ， 留 給 有 心 人 聽 。

雙 黃 蓮 蓉 月 $23/ 個
食 客 ： 蓮 蓉 味 濃 郁 。

三 黃 蓮 蓉 月 $24/ 個
食 味 ： 蛋 黃 勁 多 ， 啖 啖 甘 香 。

欖 仁 豆 蓉 月 $18/ 個
食 味 ： 豆 蓉 清 甜 ， 不 太 膩 。

豬 仔 餅 $3/ 個
食 味 ： 冇 餡 ， 卻 有 麵 粉 香 氣 。

佛 公 餅 $3/ 個
食 味 ： 口 感 實 淨 ， 有 麵 粉 香 。

卓 越 其 他 月 餅 一 覽

卓 越 餅 家

地 址 ： 西 環 皇 后 大 道 西 183 號
電 話 ： 2540 0858
營 業 時 間 ： 8am-8:30pm
註 ： 月 餅 不 定 期 製 作 ， 但 一 般 於 下 午 二 時 後 陸 續 出 爐 ， 想 食 出 爐 餅 ， 最 好 預 先 致 電 查 詢 。

撰 文 ： 譚 偉 健
攝 影 ： 陸 羽 勝