Food Lovers 老 字 號 等 待 夕 陽 天 然 椰 子 號

天 然 椰 子 號 ， 北 角 區 唯 一 的 椰 子 香 料 店 。
由 獨 沽 一 味 賣 椰 子 到 兼 賣 香 料 到 兼 賣 雜 貨 ， 輾 轉 數 十 年 ， 見 證 了 社 會 民 生 變 遷 。
老 街 坊 、 印 尼 華 僑 、 印 傭 ， 每 天 來 這 裏 買 東 西 順 便 閒 話 家 常 。 椰 漿 、 香 料 、 滷 水 料 、 印 尼 即 食 麵 、 土 產 、 零 食 、 洗 髮 水 … … 交 織 出 一 幅 異 國 庶 民 生 活 圖 畫 。

老 闆 曾 氏 兄 弟 ， 是 印 尼 華 僑 之 後 ， 承 父 遺 訓 ， 守 着 老 鋪 數 十 年 ， 努 力 跟 隨 社 會 步 伐 蛻 變 。 只 是 ， 人 的 步 伐 ， 總 是 追 不 上 進 步 的 要 求 。
「 唉 ！ 今 時 唔 同 往 日 咯 。 椰 汁 用 晒 罐 頭 椰 汁 ， 買 香 料 去 晒 超 級 市 場 買 ， 我 哋 得 番 啲 老 弱 殘 兵 同 印 傭 幫 襯 ， 雞 毛 蒜 皮 ， 做 得 一 日 得 一 日 囉 ！ 」 年 屆 六 十 一 歲 的 哥 哥 曾 向 釗 說 。
一 間 微 不 足 道 的 小 小 椰 子 店 ， 誰 會 有 空 關 心 她 的 命 運 ？ 鮮 活 的 椰 子 香 氣 ， 飄 揚 在 橫 街 陋 巷 的 空 氣 中 ， 沒 有 留 下 答 案 。

曾 向 釗 每 年 都 會 重 新 髹 一 次 香 料 箱 。

貨 品 種 類 繁 多 ， 只 是 從 前 沒 放 在 貨 架 ， 很 少 人 知 道 。

咖 喱 醬 可 散 買 ， 亦 可 一 樽 樽 買 。

最 熟 印 尼 貨

在 北 角 馬 寶 道 街 市 鐵 皮 檔 叢 中 ， 你 會 見 到 這 樣 一 個 景 象 。 一 個 個 椰 殼 ， 堆 放 在 行 人 路 邊 ， 路 過 的 人 以 為 它 是 垃 圾 ， 不 屑 一 顧 。
不 知 原 來 它 有 個 價 值 ， 每 個 兩 塊 錢 。
但 這 樣 的 東 西 ，  爆 頭 也 想 不 出 用 處 ， 多 便 宜 也 沒 多 人 識 欣 賞 。
然 而 ， 天 然 號 的 老 闆 曾 向 釗 ， 卻 不 同 意 。
「 椰 子 殼 好 有 用 ， 可 以 做 花 盆 ， 可 以 做 水 殼 又 可 以 放 散 銀 放 文 具 ， 實 用 又 便 宜 。 」
天 然 椰 子 號 就 像 這 些 椰 殼 ， 待 在 街 市 中 ， 沒 幾 多 人 識 欣 賞 。
去 年 ， 天 然 椰 子 號 因 租 約 期 滿 ， 從 渣 華 道 搬 到 馬 寶 道 ， 雖 找 人 做 了 幾 個 新 貨 架 ， 並 幫 香 料 箱 髹 上 一 層 新 顏 色 。
但 電 話 、 木 椅 、 書 桌 都 是 從 舊 店 搬 過 來 ， 外 表 仍 是 殘 殘 舊 舊 。
就 算 做 了 一 個 細 招 牌 掛 在 屋 簷 下 ， 也 沒 多 少 人 留 意 到 它 ， 馬 寶 道 上 ， 彷 彿 從 來 沒 有 出 現 過 這 間 「 新 店 」 。
路 過 的 人 ， 都 是 過 門 不 入 ， 只 有 熟 客 才 會 進 去 幫 襯 。
「 呢 度 主 要 都 係 做 印 傭 同 熟 客 生 意 ， 生 客 好 少 ， 佢 哋 入 到 嚟 都 唔 知 乜 頭 乜 路 。 」 曾 一 邊 幫 客 人 舀 咖 喱 醬 一 邊 說 。
生 客 走 進 去 ， 真 的 不 知 從 何 入 手 。
一 排 排 的 貨 架 ， 放 滿 了 不 少 東 南 亞 來 的 醬 料 雜 貨 ， 九 成 九 是 印 尼 文 ， 牌 子 聽 都 未 聽 過 。
胡 椒 粉 沙 薑 粉 黃 薑 粉 咖 喱 醬 滷 水 料 榴 槤 糖 咖 啡 糖 即 食 麵 … …
少 說 也 有 上 百 種 ， 連 印 尼 豉 油 、 印 尼 洗 頭 水 、 南 洋 驅 風 油 都 有 。
「 婆 婆 嚟 買 南 洋 驅 風 油 治 風 濕 ， 印 傭 嚟 買 黃 薑 粉 做 黃 薑 飯 ， 師 奶 嚟 買 椰 子 肉 煲 椰 子 雞 湯 ， 廚 師 嚟 買 香 料 做 咖 喱 … … 」
曾 向 釗 如 數 家 珍 般 說 。

今 年 六 十 一 歲 的 他 ， 祖 籍 惠 州 ， 父 母 五 十 年 代 初 從 印 尼 回 流 大 陸 報 效 祖 國 ， 文 革 前 又 輾 轉 來 到 香 港 ， 一 九 六 四 年 創 立 天 然 椰 子 號 ， 專 做 印 尼 及 馬 來 西 亞 椰 汁 椰 肉 批 發 。
他 小 學 未 畢 業 就 輟 學 ， 來 到 店 鋪 幫 父 親 忙 ， 一 做 就 是 數 十 年 ， 直 至 十 年 前 父 親 年 老 過 世 ， 順 理 成 章 子 承 父 業 ， 和 弟 弟 二 人 合 作 ， 接 手 老 店 。
每 日 來 ， 都 會 在 鋪 面 看 見 他 ， 黝 黑 的 臉 上 常 架 着 一 副 老 花 眼 鏡 。
有 時 坐 在 收 銀 位 ， 有 時 接 電 話 ， 點 貨 、 訂 貨 、 收 貨 、 執 貨 … …
甚 麼 都 做 ， 偶 爾 還 會 給 餐 廳 送 點 香 料 、 椰 汁 ， 有 時 又 會 與 街 坊 打 牙 骹 ， 或 是 餵 飼 鳥 籠 裏 的 八 哥 鳥 。
他 是 個 寶 ， 對 店 內 每 一 種 貨 品 都 瞭 如 指 掌 。
泰 國 魚 露 好 還 越 南 魚 露 好 ？ 西 米 要 怎 樣 煮 ？ 滷 水 料 要 怎 樣 調 校 ？
咖 喱 要 怎 樣 炒 ？ 問 問 他 就 知 道 ， 印 傭 來 買 家 鄉 土 產 ， 說 印 尼 話 ， 他 通 通 聽 得 懂 。
「 梗 係 啦 ， 阿 爸 阿 媽 都 係 土 生 土 長 印 尼 華 僑 ， 佢 哋 都 會 教 我 講 印 尼 話 㗎 嘛 ， 嗱 ， 椰 汁 叫 做 『 衫 登 』 ， 杯 麵 呢 就 叫 『 蘇 巴 咪 』 … … 印 尼 土 產 由 細 食 到 大 。 」 曾 站 在 店 前 自 豪 地 說 。
這 種 香 料 店 ， 全 區 就 只 得 他 一 間 ， 一 直 是 獨 市 生 意 ， 熟 客 不 少 。
直 至 近 年 ， 超 市 愈 來 愈 多 現 成 香 料 賣 ， 搶 了 不 少 客 。
加 上 北 角 邨 拆 卸 ， 舊 街 坊 搬 走 ， 新 搬 來 的 ， 多 是 年 輕 無 飯 夫 婦 ， 識 得 來 尋 寶 的 客 人 愈 來 愈 少 。
「 我 哋 啲 嘢 點 同 超 市 ？ 超 市 全 部 都 係 大 規 模 生 產 ， 一 早 做 定 ， 我 哋 大 部 分 都 係 新 鮮 貨 。 」 他 說 。
他 說 得 不 錯 ， 像 這 裏 的 胡 椒 粉 、 沙 薑 粉 、 黃 薑 粉 、 咖 喱 粉 等 ， 都 是 每 次 少 量 地 向 磨 房 入 貨 ， 賣 到 咁 上 下 才 柯 打 磨 房 即 磨 ， 因 此 香 味 特 別 濃 烈 。 又 像 椰 漿 ， 天 天 即 開 即 賣 ， 用 來 煮 餸 做 甜 品 ， 鮮 活 得 沒 話 可 說 。

過 文 禮 用 的 椰 子 也 有 得 賣 。

店 子 瑟 縮 舊 唐 樓 下 ， 只 有 一 塊 小 小 的 招 牌 。

仍 賣 新 鮮 椰 子

「 呢 啲 嘢 ， 又 麻 煩 又 多 工 夫 ， 冇 人 做 啦 ！ 」
負 責 開 椰 子 的 弟 弟 曾 向 雅 說 。
曾 向 雅 個 性 較 哥 哥 沉 默 。
每 天 ， 哥 哥 看 鋪 ， 他 就 匿 在 鋪 後 的 工 場 工 作 ， 有 時 開 椰 殼 ， 有 時 炒 咖 喱 、 炒 辣 椒 、 蒸 馬 豆 糕 。
沒 事 做 ， 他 喜 歡 一 個 人 躲 在 工 場 抽 煙 ， 聽 收 音 機 ， 只 有 哥 哥 外 出 時 ， 才 會 幫 忙 看 鋪 。
今 年 六 十 歲 的 他 是 家 中 老 二 ， 同 樣 讀 到 小 學 畢 業 ， 就 到 天 然 幫 忙 。
說 到 榨 椰 汁 ， 他 真 的 很 在 行 ， 手 勢 純 熟 ， 椰 子 用 刀 一  ， 倒 出 椰 水 ， 再 用 小 刀 往 椰 肉 與 椰 殼 之 間 的 小 縫 一 刮 ， 兩 三 下 手 勢 ， 就 把 椰 肉 與 椰 殼 分 開 了 。 椰 肉 刨 去 咖 色 的 椰 衣 後 再 刨 成 絲 ， 之 後 就 可 以 倒 進 尼 龍 袋 ， 再 用 機 器 一 壓 ， 雪 白 的 椰 汁 隨 即 滾 滾 而 出 。
「 呢 啲 好 嘢 嚟 㗎 ， 好 過 罐 頭 嘢 多 多 聲 ， 煮 咖 喱 、 做 甜 品 都 好 味 啲 㗎 ！ 」
曾 邊 說 邊 把 流 出 來 的 新 鮮 椰 汁 舀 進 膠 桶 中 。
七 十 年 代 ， 是 椰 子 行 業 的 黃 金 時 期 。
街 頭 的 椰 子 汁 檔 、 酒 家 的 椰 子 燉 雞 、 椰 汁 糕 ， 糖 果 、 餅 乾 、 蛋 卷 都 以 椰 汁 來 做 ， 嘉 頓 麵 包 、 太 平 餅 乾 ， 德 成 蛋 卷 等 大 戶 ， 都 是 他 的 客 仔 。
「 以 前 淨 係 賣 椰 汁 都 好 好 生 意 ， 個 個 都 係 同 我 哋 攞 ， 嗰 陣 仲 未 有 罐 頭 椰 汁 同 大 陸 椰 子 賣 ， 日 日 做 到 無 停 手 㗎 。 」 他 說 。

洗 頭 水 ， 即 食 粉 麵 都 是 印 傭 最 常 買 的 雜 貨 。

街 坊 來 買 東 西 ， 都 愛 打 牙 骹 。

轉 型 雜 貨 鋪

椰 子 業 的 風 光 日 子 ， 隨 着 一 個 牌 子 的 誕 生 而 徹 底 改 變 。
那 牌 子 ， 叫 快 達 。
八 十 年 代 ， 有 港 商 引 進 泰 國 快 達 牌 椰 汁 ， 本 港 椰 子 店 ， 受 到 前 所 未 有 的 衝 擊 。
儘 管 罐 頭 椰 子 汁 味 道 不 及 新 鮮 椰 汁 好 ， 但 由 於 快 捷 方 便 ， 又 貯 存 得 耐 ， 很 快 進 駐 市 場 。
工 夫 多 又 快 變 壞 的 新 鮮 椰 汁 ， 一 夜 間 變 成 了 落 後 的 名 詞 。
酒 樓 、 食 店 紛 紛 轉 投 新 寵 的 懷 抱 ， 天 然 椰 子 號 生 意 大 受 打 擊 。
「 榨 椰 汁 好 煩 ， 工 夫 又 多 ， 開 殼 啦 、 起 肉 啦 … …
要 請 好 多 人 幫 手 ， 成 本 高 ， 好 賣 唔 好 賺 。
好 多 椰 子 鋪 嫌 賺 得 少 ， 索 性 轉 賣 香 料 、 雜 貨 。
我 哋 本 來 唔 想 轉 ， 不 過 捱 咗 一 輪 ， 結 果 都 要 轉 。 」
當 時 印 尼 發 生 排 華 ， 很 多 印 尼 華 僑 移 民 香 港 ， 多 數 祖 籍 福 建 ， 自 然 選 擇 多 福 建 人 聚 居 的 北 角 落 腳 ， 構 成 了 一 個 小 小 的 華 僑 社 區 。
他 們 見 印 尼 華 僑 愈 來 愈 多 ， 靈 機 一 觸 ， 開 始 入 些 印 尼 香 料 雜 貨 來 賣 。
咖 喱 粉 、 辣 椒 醬 、 印 尼 蝦 片 、 榴 槤 糖 、 印 尼 豉 油 、 沙 律 磚 … …
甚 麼 都 賣 ， 慢 慢 轉 型 成 了 區 內 的 印 尼 辦 館 。
然 而 ， 儘 管 雜 貨 生 意 愈 做 愈 多 ， 但 他 們 對 新 鮮 椰 子 還 是 有 份 難 解 的 情 意 結 ， 至 今 仍 堅 持 入 新 鮮 椰 子 來 做 椰 汁 、 椰 漿 、 椰 肉 、 椰 絲 等 ， 連 鋪 名 也 維 持 叫 天 然 椰 子 號 。 就 是 選 椰 子 ， 他 們 也 像 舊 時 般 認 真 ， 只 入 質 素 最 好 的 印 尼 、 馬 來 西 亞 貨 。
「 有 人 摟 我 哋 不 如 賣 平 啲 嘅 海 南 島 椰 子 ， 利 錢 高 啲 喎 ， 我 都 係 費 事 睬 佢 ， 啲 椰 汁 都 唔 香 嘅 ， 我 哋 做 嘅 係 印 尼 人 生 意 ， 你 估 係 街 坊 賣 椰 汁 呀 ？
佢 哋 食 得 出 分 別 㗎 ， 到 時 冇 晒 生 意 咪 死 ？ 」 曾 滿 腹 牢 騷 說 。

工 場 殘 舊 ， 但 每 日 仍 在 運 作 。

榨 椰 汁 工 序 很 繁 複 ， 㓟 去 椰 衣 後 ， 要 刨 成 椰 絲 ， 再 壓 成 椰 汁 。

多 謝 印 傭

也 多 得 近 年 印 傭 擁 現 香 港 ， 天 然 號 的 椰 子 生 意 好 了 不 少 。
現 在 ， 來 買 椰 汁 的 多 數 是 印 傭 ， 也 有 東 南 亞 餐 廳 訂 貨 ， 全 部 要 求 新 鮮 即 榨 。
每 朝 早 八 點 鐘 ， 曾 都 會 準 時 回 到 天 然 ， 一 收 到 訂 單 就 會 立 即 動 身 開 工 。
「 印 尼 人 餐 餐 都 要 食 椰 汁 㗎 ， 煮 咖 喱 、 撈 飯 、 做 甜 品 … …
乜 都 要 落 ， 我 阿 爸 以 前 都 係 咁 㗎 ， 我 就 唔 係 咁 鍾 意 喇 ， 不 過 佢 話 食 開 有 條 癮 。 」 曾 回 憶 說 。
榨 椰 汁 以 外 ， 他 還 會 做 咖 喱 醬 、 椰 汁 馬 豆 糕 、 炒 辣 椒 ， 生 薑 粉 、 胡 椒 粉 … …
都 是 從 前 父 親 教 他 的 ， 只 是 一 直 沒 有 做 宣 傳 ， 只 隨 便 在 門 口 貼 了 一 張 紙 ， 知 道 的 人 不 多 ， 懂 得 摸 上 門 買 的 都 是 印 尼 人 或 老 華 僑 。
「 開 頭 乜 都 唔 識 ， 連 咖 喱 醬 都 唔 識 炒 ， 係 後 尾 學 吓 學 吓 先 至 識 ， 讀 書 唔 多 ， 咪 學 門 手 藝 囉 ， 話 晒 都 叫 做 有 一 技 之 長 ， 不 過 ， 都 係 啲 手 板 眼 見 工 夫 啫 ， 冇 乜 特 別 ， 宣 乜 鬼 傳 ？
以 前 連 紙 都 唔 貼 呀 ， 賣 晒 咯 ， 咪 又 做 啲 賣 囉 ， 好 似 椰 汁 馬 豆 糕 咁 ， 唔 係 成 日 有 㗎 ， 見 到 啲 椰 子 去 貨 慢 ， 咪 開 咗 佢 用 囉 ， 你 知 啦 ， 新 鮮 嘢 唔 放 得 耐 㗎 嘛 ！ 」
曾 抽 着 一 根 煙 淡 淡 然 地 。
好 質 素 的 東 西 ， 他 們 有 ， 但 就 是 不 懂 宣 傳 ， 多 少 發 展 的 機 會 ， 就 在 門 外 溜 走 。
曾 經 ， 有 人 吃 過 他 的 椰 汁 馬 豆 糕 、 炒 咖 喱 、 炒 辣 椒 ， 覺 得 好 ， 想 跟 他 取 貨 賣 ， 都 被 他 拒 絕 。
「 最 近 之 嘛 ， 有 個 大 陸 人 想 問 我 哋 攞 咖 喱 醬 返 大 陸 賣 喎 ， 大 佬 問 我 想 唔 想 做 ， 我 話 唔 想 ， 咪 推 咗 佢 囉 ！
唉 … … 都 一 把 年 紀 咯 ， 仲 搞 咁 多 嘢 咩 ？ 後 生 捱 唔 夠 呀 ？ 」
曾 站 在 哥 哥 身 旁 說 。

每 朝 早 都 有 人 打 電 話 來 訂 椰 汁 ， 曾 向 雅 會 幫 哥 哥 手 接 單 。

開 椰 子 ， 多 年 來 都 全 靠 一 雙 手 一 把 刀 ， 曾 向 雅 開 得 極 之 熟 練 。

自 然 來 自 然 去

跟 哥 哥 一 樣 ， 他 亦 有 三 個 子 女 ， 都 已 出 身 ， 早 年 全 家 更 移 民 去 了 加 拿 大 ， 現 在 ， 那 邊 還 有 房 子 ， 老 婆 一 年 有 一 半 時 間 留 在 那 邊 ， 曾 經 叫 他 退 休 ， 一 起 到 加 拿 大 生 活 ， 他 卻 選 擇 繼 續 留 在 香 港 。
「 佢 就 係 咁 㗎 喇 ， 話 唔 做 嘢 周 身 唔 聚 財 喎 ， 又 話 自 已 淨 係 識 得 做 呢 啲 嘢 ， 係 嗰 邊 唔 知 做 乜 嘢 好 喎 。 」
剛 剛 從 加 拿 大 回 來 的 曾 太 來 鋪 頭 探 班 時 說 。
天 然 與 手 藝 ， 是 他 一 生 最 大 的 依 靠 ， 也 是 他 最 引 以 為 傲 的 成 就 ， 可 是 他 卻 沒 有 想 過 要 傳 授 給 任 何 人 。
「 呢 行 冇 得 做 㗎 喇 ， 就 算 仔 女 肯 接 手 ， 我 都 唔 俾 㗎 ！ 有 新 人 話 要 入 行 ， 我 會 叫 佢 走 。
榨 椰 汁 、 炒 咖 喱 有 乜 好 學 ？ 超 市 都 買 到 啦 。
以 前 電 視 的 烹 飪 節 目 會 教 人 買 新 鮮 椰 汁 煮 咖 喱 ， 而 家 個 個 都 教 人 用 罐 頭 椰 汁 ， 學 嚟 做 乜 ？ 」 曾 滿 腹 牢 騷 。
儘 管 做 一 日 和 尚 敲 一 日 鐘 ， 但 每 天 他 仍 然 繼 續 回 到 老 店 ， 與 哥 哥 兩 人 默 默 看 守 着 父 親 留 下 的 古 老 的 行 業 。
生 意 好 時 ， 營 營 役 役 地 工 作 ， 沒 生 意 時 ， 就 一 直 由 朝 早 等 候 到 黃 昏 ， 直 至 夕 陽 西 下 。
「 人 生 係 咁 啦 ！ 有 開 始 、 有 結 束 ， 唔 使 咁 介 意 。
我 哋 做 得 一 日 得 一 日 ， 做 到 唔 做 得 咪 執 咗 佢 囉 ！ 」 曾 向 雅 說 。
世 事 榮 枯 本 天 然 ， 只 是 那 鮮 活 的 椰 汁 氣 味 ， 會 留 存 回 憶 中 ， 永 誌 不 忘 。

天 然 尋 寶

天 然 椰 子 號 是 東 南 亞 雜 貨 店 ， 當 中 以 印 尼 雜 貨 佔 最 多 ， 乾 貨 、 濕 貨 、 醬 料 … … 種 類 繁 多 ， 不 少 適 合 香 港 人 口 味 的 貨 品 都 是 曾 向 釗 親 自 用 過 才 入 貨 的 精 品 ， 除 此 之 外 ， 亦 有 售 賣 其 他 東 南 亞 國 家 貨 品 ， 如 越 南 魚 露 、 泰 國 辣 椒 醬 ， 不 過 種 類 不 算 多 。 這 裏 最 大 賣 點 是 她 們 自 製 的 貨 品 ， 如 咖 喱 醬 、 炒 辣 椒 、 鮮 椰 汁 、 椰 汁 馬 豆 糕 、 生 薑 粉 、 胡 椒 粉 、 滷 水 料 等 等 ， 比 罐 頭 貨 及 超 市 貨 新 鮮 。

咖 喱 醬 $20/ 瓶 　 香 辣 沒 油 膉 味 ， 很 多 人 買 來 做 咖 喱 魚 蛋 。

8:30AM

開 門 半 小 時 ， 五 十 來 歲 的 陳 女 士 來 買 咖 喱 醬 ， 她 每 次 到 北 角 街 市 買 菜 都 會 順 便 來 買 點 東 西 ， 每 次 都 會 跟 這 裏 養 的 八 哥 說 幾 句 ， 「 呢 度 養 過 好 多 隻 雀 咯 ， 以 前 係 鸚 鵡 ， 再 之 前 又 係 八 哥 ， 隻 隻 都 好 好 口 㗎 ， 又 識 講 早 晨 ， 又 識 叫 靚 女 ，  得 人 鬼 咁 開 心 。 」 她 是 全 職 家 庭 主 婦 ， 住 在 天 然 附 近 ， 玩 過 八 哥 後 ， 拿 着 咖 喱 醬 及 餸 菜 喜 孜 孜 回 家 去 。

鮮 椰 肉 $17/ 斤 　 最 啱 煲 湯 ， 可 清 熱 潤 肺 。

9:00AM

印 傭 Arita 抱 着 小 主 人 來 買 椰 肉 ， 「 太 太 話 買 椰 肉 煲 湯 喎 ， 佢 話 用 新 鮮 椰 肉 好 啲 ， 咁 我 咪 嚟 呢 度 買 囉 ， 呢 區 得 呢 度 有 新 鮮 椰 肉 賣 。 」 曾 叔 替 她 包 好 椰 肉 ， 她 便 匆 忙 回 家 煲 湯 。

印 尼 加 多 加 多 沙 律 磚 $6/ 包 　 加 滾 水 調 和 後 ， 即 成 沙 律 汁 ， 香 辣 帶 甜 。

9:15AM

在 附 近 印 傭 介 紹 所 打 工 的 印 尼 華 僑 林 小 姐 ， 來 買 沙 律 磚 做 加 多 加 多 ， 「 以 前 喺 印 尼 都 係 食 慣 呢 隻 牌 子 ， 好 易 整 㗎 咋 ， 加 滾 水 溝 勻 佢 ， 跟 住 加 少 少 椰 汁 同 烚 熟 嘅 雞 肉 就 食 得 㗎 喇 。 」

胡 椒 粉 $15/ 瓶 　 味 道 比 超 市 貨 更 濃 郁 ， 加 少 少 已 經 很 香 。

10AM

在 北 角 開 茶 餐 廳 的 葉 先 生 駕 電 單 車 來 買 胡 椒 粉 及 咖 喱 ， 「 我 哋 由 渣 華 道 舊 鋪 幫 襯 到 而 家 ， 呢 度 啲 粉 一 星 期 先 至 磨 一 次 ， 香 過 超 市 嗰 的 好 多 㗎 。 我 試 過 用 現 成 貨 ， 俾 啲 客 鬧 到 飛 起 ， 問 做 乜 冇 晒 味 ， 咁 咪 一 路 用 囉 。 」 他 買 了 咖 喱 粉 ， 跟 曾 向 釗 打 了 一 陣 牙 骹 才 走 。

印 尼 蝦 片 $26 　 用 油 半 煎 炸 後 ， 甘 香 鬆 脆 ， 蝦 味 濃 厚 。

11AM

來 了 香 港 三 年 的 印 傭 Dewy 同 幾 個 姊 妹 一 起 來 買 香 茅 及 印 尼 蝦 片 ， 「 我 哋 晏 晝 諗 住 做 黃 薑 飯 食 嘛 ， 黃 薑 飯 要 用 香 茅 煮 至 得 㗎 ， 一 條 十 蚊 ， 夠 我 哋 幾 個 人 分 。 」 姊 妹 們 看 到 她 接 受 訪 問 ， 又 看 到 攝 影 師 拍 照 ， 害 羞 得 「 伊 哇 鬼 叫 」 。

印 尼 豆 餅 $8 　 用 黃 豆 做 的 ， 煎 後 很 香 脆 ， 可 當 餐 前 小 食 。

11:30AM

在 東 南 亞 餐 廳 打 工 的 印 尼 人 Yanti 來 買 印 尼 豆 餅 ， 自 己 開 雪 櫃 取 貨 ， 付 了 錢 ， 匆 匆 就 雜 開 。 「 唔 使 問 佢 喇 ， 佢 趕 住 返 工 嘛 ！ 呢 的 餅 經 過 發 酵 㗎 ， 印 尼 人 先 至 鍾 意 食 㗎 咋 ！ 」 弟 弟 曾 向 雅 說 。

印 尼 沙 嗲 豉 油 $15/ 支 　 鹹 香 帶 辣 ， 可 用 來 配 烤 肉 或 煎 炸 肉 類 。

12:30AM

帶 着 印 傭 Candra 來 入 貨 的 王 太 太 ， 買 了 沙 嗲 豉 油 「 諗 住 同 佢 （ 印 傭 ） 煮 幾 味 印 尼 嘢 俾 屋 企 人 食 嘛 ， 咪 一 齊 嚟 買 嘢 囉 ， 以 前 我 唔 鍾 意 食 印 尼 嘢 㗎 ， 點 知 試 吓 又 覺 得 幾 好 食 ， 咪 煮 多 咗 囉 ， 佢 啲 手 勢 幾 好 㗎 ！ 」 王 太 太 極 力 稱 讚 ， 旁 邊 的 Candra 開 心 地 笑 一 笑 。

蛾 朮 油 $27 　 印 尼 出 產 ， 是 香 草 提 煉 的 。

1:15PM

街 坊 陳 婆 婆 （ 左 ） 帶 着 李 婆 婆 來 買 藥 油 ， 「 呢 度 啲 蛾 朮 油 好 好 㗎 ， 俾 蚊 咬 ， 搽 少 少 ， 即 刻 唔 痕 ， 我 用 咗 廿 幾 年 囉 。 」 ， 她 在 北 角 區 已 住 了 四 十 多 年 ， 幫 襯 了 天 然 廿 多 年 ， 「 佢 以 前 好 靚 仔 㗎 ， 冇 而 家 咁 瘦 … … 」 ， 買 完 藥 油 後 ， 她 捨 不 得 走 。

滷 水 料 $10/ 包 　 用 十 碗 水 煮 一 小 時 ， 加 生 抽 、 老 抽 、 米 酒 、 冰 糖 調 味 ， 就 可 用 來 滷 東 西 。

3:15PM

鍾 女 士 來 買 滷 水 包 ， 她 本 來 在 餐 廳 打 工 ， 最 近 與 丈 夫 頂 了 一 間 東 南 亞 餐 廳 來 經 營 ， 「 係 上 一 手 老 闆 教 我 嚟 呢 度 買 材 料 嘅 ， 佢 話 呢 度 啲 嘢 平 得 嚟 又 靚 喎 ， 老 闆 又 唔 會 呃 人 ， 咁 我 咪 嚟 囉 ， 煮 我 就 識 呀 ， 買 料 仲 未 係 咁 熟 。 」 付 了 錢 後 ， 她 多 次 問 曾 向 釗 滷 水 料 的 用 法 ， 直 至 清 楚 了 才 離 開 。

生 薑 粉 $15/ 瓶 　 炒 海 鮮 能 辟 腥 ， 很 好 用 。

4:00PM

在 銅 鑼 灣 經 營 印 尼 餐 廳 的 Fitri 與 妹 妹 一 起 來 買 生 薑 粉 回 去 做 炒 蟹 ， 操 得 一 口 流 利 廣 東 話 的 她 從 前 是 印 傭 ， 十 年 前 取 得 居 留 權 後 ， 就 自 行 創 業 。 「 我 格 過 價 喇 ， 買 大 包 香 料 ， 香 港 區 ， 呢 間 靚 得 嚟 算 係 最 平 ， 生 薑 粉 、 辣 椒 粉 都 磨 得 好 幼 細 。 」

鮮 椰 汁 $24/ 斤 　 最 好 即 買 即 用 ， 可 煮 咖 喱 ， 做 甜 品 、 蛋 糕 。

5:15PM

印 尼 華 僑 陳 女 士 來 買 椰 汁 ， 「 我 諗 住 做 啲 椰 汁 糕 送 俾 親 戚 ， 新 鮮 椰 汁 梗 係 好 過 罐 頭 啦 ， 香 啲 又 唔 會 太 甜 ， 我 搬 咗 都 要 返 嚟 買 ， 我 幫 襯 好 多 年 咯 ， 買 椰 汁 一 定 要 留 番 最 後 先 至 買 ， 千 祈 唔 好 買 完 再 周 圍 去 ， 唔 係 返 到 屋 企 會 有 酸 餿 味 。 」 她 跟 丈 夫 來 港 已 三 十 多 年 ， 一 直 是 家 庭 主 婦 。

薑 糖 $5/ 包 　 辛 辣 香 甜 ， 薑 味 濃 郁 。

6:30PM

八 十 多 歲 的 印 尼 華 僑 林 伯 來 探 曾 氏 兄 弟 ， 他 從 前 在 印 尼 也 是 經 營 雜 貨 店 的 ， 來 了 香 港 後 就 跟 朋 友 搞 貿 易 公 司 ， 現 已 退 休 ， 與 他 們 的 父 親 是 好 朋 友 ， 「 咁 啱 行 過 咪 嚟 睇 吓 佢 兩 兄 弟 囉 ， 我 由 細 睇 到 佢 哋 大 ， 舊 鋪 大 啲 ， 我 成 日 落 去 坐 㗎 ， 以 前 鋪 頭 隻 八 哥 咪 係 我 送 俾 佢 老 竇 㗎 囉 。 」 臨 走 時 ， 曾 氏 兄 弟 送 了 一 包 印 尼 薑 糖 給 林 伯 。

天 然 椰 子 號

地 址 ： 北 角 馬 寶 道 1 號 K 地 下
電 話 ： 2571 6305
營 業 時 間 ： 8am-7pm

撰 文 ： 陳 佳 男
攝 影 ： 鄧 廣 基