大 時 大 節 ， 鮑 魚 是 飯 桌 上 少 不 了 的 食 材 。 作 為 家 庭 食 用 ， 乾 鮑 又 要 浸 發 又 要 燜 ， 弄 得 人 一 頭 煙 ； 就 算 你 不 怕 麻 煩 ， 近 五 年 乾 鮑 價 格 有 如 豪 宅 樓 價 有 上 無 落 ， 日 本 乾 鮑 、 中 東 乾 鮑 都 漲 價 近 三 倍 ， 不 是 人 人 捨 得 食 。
講 經 濟 又 方 便 ， 還 以 罐 頭 鮑 為 首 。
從 前 的 罐 頭 鮑 選 擇 離 不 開 車 輪 鮑 、 南 海 牌 、 福 壽 牌 等 幾 個 大 牌 子 ， 近 年 卻 愈 來 愈 多 名 人 名 店 推 出 自 家 品 牌 的 罐 頭 鮑 ， 以 自 己 商 譽 作 押 ， 成 為 今 年 罐 頭 鮑 魚 生 力 軍 。
今 期 找 來 鮑 魚 專 家 逐 一 試 食 ， 讓 大 家 辦 年 貨 時 有 個 參 考 。
名 人 掛 帥
食 家 名 廚 愈 來 愈 受 注 目 ， 罐 頭 鮑 魚 生 產 商 亦 找 來 名 人 合 作 ， 去 年 鬼 馬 名 廚 周 中 短 期 推 出 過 罐 頭 鮑 ， 今 年 則 有 鮑 魚 一 哥 楊 貫 一 跟 中 華 廚 房 合 作 推 出 鮑 魚 ， 大 大 個 肖 像 作 標 記 ， 還 有 證 明 書 ， 以 名 廚 作 招 徠 。名 店 出 品
由 於 轉 售 其 他 牌 子 鮑 魚 的 成 本 較 高 ， 而 且 貨 量 不 穩 定 ， 加 上 很 多 大 型 海 味 鋪 、 高 檔 雜 貨 店 都 跟 鮑 魚 商 相 熟 ， 為 降 成 本 增 利 潤 ， 她 們 便 索 性 自 己 推 出 罐 頭 鮑 ， 像 海 味 店 安 記 、 高 級 雜 貨 店 好 東 西 、 有 食 緣 、 連 鎖 海 味 店 東 方 紅 都 先 後 推 出 罐 頭 鮑 。 食 店 如 鏞 記 亦 有 推 出 罐 頭 鮑 ， 更 好 賣 得 斷 了 市 兩 個 月 ， 至 過 年 前 仍 未 有 貨 返 。
自 家 品 牌 罐 頭 鮑 有 乜 好 ？
價 錢 實 惠
海 味 店 若 出 售 有 牌 子 的 罐 頭 鮑 ， 先 要 向 代 理 取 貨 ， 多 了 一 層 中 介 人 ， 成 本 高 了 ， 零 售 價 也 自 然 較 貴 。 若 是 自 家 品 牌 ， 不 經 代 理 ， 貨 量 亦 非 常 充 足 ， 據 安 記 海 味 老 闆 潘 生 所 講 ， 同 產 地 的 鮑 魚 ， 自 家 品 牌 可 以 便 宜 一 點 ， 舉 例 一 罐 2 頭 澳 洲 鮑 ， 紅 福 壽 售 近 三 百 元 ， 安 記 只 需 $250 ， 平 了 5-10% 。自 家 品 牌 鮑 魚 定 價 較 低 ， 例 如 兩 頭 紐 西 蘭 鮑 ， 更 是 二 百 元 有 找 。
信 心 保 證
推 出 自 家 品 牌 罐 頭 鮑 的 店 鋪 會 親 自 到 鮑 魚 養 殖 場 簽 合 約 ， 訂 明 鮑 魚 大 小 、 訂 貨 量 ， 在 當 地 入 罐 之 後 再 採 用 噴 罐 包 裝 再 運 抵 港 。 由 於 噴 罐 較 舊 式 貼 招 紙 包 裝 較 難 被 偽 造 ， 所 以 不 易 有 A 貨 翻 版 。 加 上 自 家 品 牌 罐 頭 鮑 主 要 在 自 家 店 舖 銷 售 ， 或 者 在 大 型 超 市 設 專 櫃 推 廣 ， 買 到 假 貨 的 機 會 較 低 。 就 算 有 問 題 ， 都 投 訴 有 門 ， 對 客 人 較 有 保 證 。
選 擇 更 多
一 般 品 牌 罐 頭 鮑 頭 數 選 擇 比 較 少 ， 自 家 品 牌 因 為 和 鮑 魚 場 直 接 接 洽 ， 產 品 更 多 元 化 ， 像 「 好 東 西 」 的 鮑 魚 由 1-50 頭 都 有 ， 安 記 鮑 魚 除 了 清 湯 又 有 日 本 醬 油 口 味 ， 又 有 澳 洲 、 新 西 蘭 、 南 非 等 不 同 產 地 選 擇 ； 楊 貫 一 罐 頭 鮑 更 採 用 較 冷 門 的 台 灣 種 吉 品 鮑 ， 更 能 切 合 不 同 客 人 的 需 要 。同 一 品 牌 ， 有 不 同 頭 數 選 擇 ， 從 罐 頂 印 字 便 可 分 辨 到 。 4pcs 即 4 頭 ， 16pcs 即 16 頭 。
我 看 自 家 品 牌 鮑 魚 … …
食 家 唯 靈
「 大 牌 子 或 者 自 己 品 牌 的 罐 頭 鮑 都 無 所 謂 ， 要 食 靚 罐 頭 鮑 最 緊 要 睇 產 地 ， 以 日 本 鮑 最 好 ， 南 非 次 之 ， 然 後 依 次 是 墨 西 哥 、 澳 洲 ， 新 西 蘭 最 平 凡 ， 勝 在 便 宜 。 另 外 注 意 ， 日 本 鮑 太 貴 流 量 少 ， 要 留 心 食 用 限 期 ； 澳 洲 青 邊 (Green lip) 比 黑 邊 (Black lip) 好 吃 ， 又 有 些 新 西 蘭 鮑 會 在 澳 洲 入 罐 (canned in Australia) 充 澳 洲 貨 ， 都 要 留 意 。 」
客 人 許 生
「 之 前 試 過 買 回 來 的 罐 頭 鮑 開 出 來 灰 灰 黑 黑 的 ， 質 素 不 好 又 投 訴 無 門 。 於 是 試 試 海 味 店 自 家 出 的 ， 水 準 不 錯 ， 價 錢 合 理 ， 而 且 真 的 有 問 題 也 可 以 回 來 退 換 。 」
客 人 Irene
「 店 鋪 自 家 推 出 的 罐 頭 鮑 質 量 不 錯 ， 價 錢 合 理 ， 而 且 買 的 時 候 老 闆 會 俾 試 食 ， 可 以 食 過 好 味 才 買 ， 老 闆 為 推 銷 ， 又 會 教 路 如 何 烹 調 ， 如 何 配 搭 菜 式 ， 更 加 實 用 。 」
安 記 海 味 老 闆 潘 生
「 大 牌 子 的 罐 頭 鮑 買 入 價 較 貴 ， 貨 量 又 不 易 控 制 ； 相 反 自 家 品 牌 成 本 低 一 點 ， 貨 量 充 裕 ， 間 中 可 以 容 許 我 們 做 些 推 廣 益 客 人 。 唯 一 問 題 是 自 家 品 牌 少 人 認 識 ， 必 須 高 質 量 、 經 濟 ， 有 良 好 的 商 譽 才 能 成 功 打 入 市 場 ， 令 客 人 有 信 心 。 」撰 文 ： 陳 詠 敏
攝 影 ： 馮 里 安 、 蔡 家 輝
No comments:
Post a Comment